پاک فوج کے ’ایس ایس جی‘ کمانڈو دنیا بھرمیں نمبرون
  11  اپریل‬‮  2017     |     اوصاف سپیشل

اسلام آباد(روزنامہ اوصاف)کسی بھی فوج کی شان اس کے خصوصی دستے ہوتے ہیں۔ یہ خصوصی دستے انتہائی خطرناک اورناقابلِ یقین صلاحیتوں کے حامل ہوتے ہیں۔ حال میں ہی ایک آسٹریلوی ویب سائٹ ’بزنس انسائڈر‘ نے دنیا کی بہترین ایلیٹ فورسز کی فہرست شائع کی ہے جن میں پاکستان کے ’’اسپیشل سروسز گروپ‘‘ کو سرفہرست رکھا گیا ہے۔پاکستان کی مسلح افواج کا یہ خصوصی دستہ موسم کی سختی کو جھیلنے ، دشمن کے شدید حملے کو غیرموثر کرنے اور مشکل حالات سے نبرد آزما ہونے کے لئے تیار کیا جاتا ہے۔ایس ایس جی کے نام سے پہچانا جانے والا یہ خصوصی دستہ ایسے دشوارگزارعلاقوں میں بھی ناقابلِ یقین کارنامے انجام دینے کی صلاحیت رکھتا ہے جہاں کوئی اور شخص جانے کا تصور بھی نہیں کرسکتا۔ اسپیشل سروس گروپ ( پاکستان)۔ پاکستانی افواج کا خصوص دستہ ایس ایس جی اپنی پیشہ ورانہ صلاحیتوں کی بنا پردنیا بھرمیں مشہور ہے۔ ایس ایس جی کی تربیت کے دوران سب سے سخت مرحلہ 12 گھنٹوں میں 36 کلومیٹر کا مارچ اور بیس منٹ میں 5 کلومیٹر کی دوڑ ہے۔ حالیہ دنوں ایس ایس جی ملک کے اندر ریاست کے خلاف برسرِ پیکار شدت پسند عناصر کی سرکوبی میں مصروف ہے۔آسٹریلوی ویب سائٹ کے مطابق دوسرے نمبرپراسپین کی ’نیول اسپیشل وارفیئرفورس‘ ہے۔ تیسرے نمبر پرروس کا ’الفا گروپ‘ ہے، چوتھے نمبر پرفرانس کا’ نیشنل گینڈارمیری گروپ‘، پانچویں نمبر پراسرائیل کی ’سائرت متکال‘،چھٹے نمبر پربرطانیہ کی ’اسپیشل ایئرسروس‘، ساتویں نمبرپربرطانیہ کی ’اسپیشل بوٹ سروس‘، آٹھویں نمبر پر’امریکی نیوی سیل‘ اورنویں نمبر پر’امریکی میرین‘ براجمان ہیں۔دنیا بھر کی ایلیٹ فورسز میں پاک فوج کے اسپیشل سروسزگروپ کو یہ مقام ان کی پیشہ ورانہ صلاحیتوں، دیگر ترقی یافتہ ممالک کی نسبت میسروسائل، کامیاب آپریشنز کے تناسب کی بناء پردیاگیا ہے۔واضح رہے کہ پاکستان کے علاوہ اس فہرست میں کوئی بھی ترقی پذیرملک شامل نہیں ہے۔


اس خبر کے بارے میں اپنی رائے دیجئے
پسند آئی
96%
ٹھیک ہے
2%
کوئی رائے نہیں
 
پسند ںہیں آئی
2%


 سب سے زیادہ پڑھی جانے والی مقبول خبریں






آج کا مکمل اخبار پڑھیں

کار ٹونز

اوصاف سپیشل

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved