خاتون ڈرائیوربے قابو ہوگئی، تیز رفتاری پر ایک گھنٹے میں انیس چالان
  10  جنوری‬‮  2017     |     دلچسپ و عجیب

دبئی (روزنامہ اوصاف) خاتون ڈرائیور نے محض اپنا موڈ خراب ہونے پر ٹریفک قوانین کی دھجیاں اڑا دیں، ایک گھنٹے میں انیس چالان کرالیے، پولیس نے انتہائی تیر رفتاری کے جرم میں گرفتار کرکے پوچھ گچھ کے بعد چھوڑدیا۔تفصیلات کے مطابق متحدہ عرب امارات کے سیاحتی اور تجارتی مرکز دبئی میں یورپی ملک سے تعلق رکھنے والی خاتون ڈرائیور نے ایک گھنٹے میں ٹریفک قوانین کی خلاف ورزیوں کے تمام سابقہ ریکارڈ ہی توڑ ڈالے۔عرب ذرائع ابلاغ کے مطابق بار بار ٹریفک قانون کی خلاف ورزی کی مرتکب غیرملکی خاتون ڈرائیور کو پولیس نے حراست میں لیا تو اس نے کہا کہ وہ نفسیاتی دباؤ کا شکار ہے اور اس کا موڈ بھی خراب ہے۔دبئی ٹریفک پولیس کے ڈائریکٹر بریگیڈیئرسیف مہیر المزروعی نے میڈیا کو بتایا کہ خاتون کو ٹریفک قانون کی خلاف ورزی پر چالان مرکزی شاہراہ الشیخ زاید پر 220 سے 240 کلو میٹر کی رفتار سے گاڑی چلانے پر کیے گئے ہیں۔حکام کا کہنا ہے کہ ٹریفک قانون کی بار بار خلاف ورزی کرنے والی خاتون کو حراست میں لیا گیا تھا اسے پوچھ گچھ کے بعد چھوڑ دیا گیا ہے۔خاتون کا کہنا تھا کہ اس کا موڈ خراب تھا اور وہ اپنا نفسیاتی معائنہ کرانے اسپتال جانا چاہتی تھی۔عرب میڈیا کے مطابق ایک گھنٹے میں 19 بار ٹریفک قانون کی خلاف ورزی پر چالان کا یہ منفرد واقعہ ہے۔ یہ اس لیے بھی دلچسپ ہے کہ اس خلاف ورزی کی مرتکب ایک خاتون ہوئی ہے۔


اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
 




آج کا مکمل اخبار پڑھیں

کار ٹونز

دلچسپ و عجیب

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved