بھارت، لاپتہ لڑکا لڑکی بن کے گھر لوٹ آیا،والدین کا پہچاننے سے انکار
  17  مارچ‬‮  2017     |     دلچسپ و عجیب
احمد آباد(روزنامہ اوصاف) بھارت کے علاقے احمد آباد میں سونے کے معروف تاجر کے لاپتہ بیٹے کا معمہ حل ہوگیا ہے جس پر والدین پریشان اور اہل محلہ حیران ہیں۔تفصیلات کے مطابق بھارت کے علاقے احمد آباد میں مشہور سونے کے تاجر کے بیٹے کی پر اسرار گمشدگی نے سراسمیگی پھیلا دی تھی جس کا ڈراپ سین ہو گیا ہے۔والدین کا کہنا ہے کہ ہم نے بیٹے کی گمشدگی کی اطلاع تھانے میں درج کرادی تھی جس پر چند روز بعد تھانے سے فون آیا کہ آپ کا گمشدہ بیٹا مل گیا ہے اور اس وقت ایک اسپتال میں موجود ہےجب ہم ہسپتال پہنچنے تو بیٹے کو دیکھا کہ وہ اپنی جنس تبدیل کروا چکا تھا ، ہم نے اسے پہلے تو ماننے سے انکار کردیا کہ یہ ہمارا بیٹا نہیں ہوسکتا۔ کیونکہ وہ تبدیلیء جنس کے آپریشن کے بعد لڑکا سے لڑکی بن گیا ہے۔پولیس کا کہنا ہے کہ شائم نامی لڑکے نے اپنے بیان میں بتایا کہ میں اپنی مرضی سے تبدیلی جنس کا آپریشن کروانے کے لیے گھر سے لاپتہ ہوا تھا کیوں کہ میری اس خواہش پر والدین ناراضگی کا اظہار کرتے اور کبھی میرا آپریشن نہیں ہونے دیتے۔اعلیٰ تعلیم یافتہ شائم نے اپنے بیان میں پولیس کو بتایا کہ اسے شروع سے ہی یہ محسوس ہوتا تھا کہ اسے لڑکا نہیں بلکہ لڑکی ہونا چاہیے تھا اور شاید غلطی سے لڑکی کی روح کسی لڑکے کے مجسمے میں جا بسی ہے جس کا اظہار میں نے اپنے والدین سے بھی کیا تھا اور ان سے تبدیلی جنس کا آپریشن کروانے کی اجازت بھی مانگی تھی۔لیکن والدین نے سخت ردعمل دیتے ہوئے اس بات کو ماننے سے یکسر انکار کردیا جس کے بعد میں نے خود ہی آپریشن کرانے کی منصوبہ بندی کی اور موقع دیکھ کر اپنے گھر والوں کو اطلاع دیئے بغیر چپ چاپ اسپتال منتقل ہوگیا جہاں پہلے ہی تمام انتظامات مکمل تھے اور ڈاکٹرز کی ماہر ٹیم نے آپریشن کا آغاز کیا جو بہ احسن طریقے سے تکمیل کو پہنچا جس کے بعد میں نے پولیس کو اطلاع دی۔میڈیا سے بات کرتے ہوئے جنس تبدیل کروانے والے شائم نے بتایا کہ والدین اور چھوٹی بہنیں ابھی اس حقیقت کا سامنے کرنے سے قاصر نظر آتی ہیں تاہم میری پوری کوشش ہے کہ وہ مجھے اس تبدیلی کے ساتھ دل سے قبول کر لیں اور ہماری زندگی دوبارہ نارمل طریقے سے گذر بسر ہونے لگے۔

اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
100%



 سب سے زیادہ پڑھی جانے والی مقبول خبریں





 انٹر نیٹ کی دنیا میں سب سے زیادہ پڑھے جانے والے مضا مینں
loading...


آج کا مکمل اخبار پڑھیں

کار ٹونز

دلچسپ و عجیب

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved