محمد مقبول بٹ کے یومِ شہادت پر 11فروری کو آزاد کشمیر میں سرکاری تعطیل کا فیصلہ
  10  جنوری‬‮  2017     |      کشمیر
راولاکوٹ(آئی این پی) شہیدِ کشمیر محمد مقبول بٹ کے یومِ شہادت پر گیارہ فروری کو آزاد کشمیر میں سرکاری تعطیل کرنے کا فیصلہ ۔زرائع نے بتایا ہے کہ وزیر اعظم آزاد کشمیر راجہ محمد فاروق حیدر نے اصولی طور پر یہ فیصلہ کیا ہے کہ گیارہ فروری کو مقبول بٹ کے یومِ شہادت پر تحریکِ آزادی کشمیر سے اپنی عملی محبت کا ثبوت دینے سرکاری تعطیل کا فیصلہ کیا ہے یہ فیصلہ جدید تحریک کے بانی اور منقسم کشمیر میں وحدت کی علامت مقبول بٹ کے یومِ شہاد ت پر انکو خراجِ عقیدت پیش کرنے کے ساتھ اس بات کا ثبوت فراہم کرنا ہے کہ بھارتی مقبوضہ کشمیر کی تحریک میں بیس کیمپ مکمل طور پر انکی پشت پر ہے مقبول بٹ کے یوم شہادت پر پہلی مرتبہ سابق وزیر اعظم راجہ ممتاز حسین راٹھور مرحوم نے اپنے دورِ حکومت میں سرکاری تعطیل کی تھی جسے بعد ازاں آنے والی مسلم کانفرنس کی حکومت نے اپنے سربراہ مرحوم عبدالقیوم خان کی ہدایت پر ختم کر دیا تھا راجہ فاروق حیدر کو یہ تعطیل کرنے اپنی کابینہ کے سینئر وزیر چوہدری طارق فاروق کی حمایت حاصل ہے جو ماضی میں قوم پرست طلباء تنظیم جموں کشمیر نیشنل سٹوڈنٹس فیڈریشن کے مرکزی عہدیدار رہے ہیں فاروق حیدر مقبول بٹ کے یوم شہادت پر مٖظفر آباد میں مرکزی تقریب سے خطاب کریں گے انکی یہ کوشش بھی ہے کہ وہ اس دن کو سری نگر میں بنا کر اپنی زندگی کا یاد گار حصہ ٹھہرائیں سری نگر اپنے ننھیال جانے راجہ فاروق حیدر نے پہلے سے سفری دستاویزات حاصل کر رکھی ہیں ۔

اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
 



 سب سے زیادہ پڑھی جانے والی مقبول خبریں






آج کا مکمل اخبار پڑھیں

کار ٹونز

کشمیر

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved