پانامہ لیکس پر جے آئی ٹی کی تشکیل ، سپریم کورٹ نے فیصلہ متعلقہ اداروں کوبھجوا دیا،وزیراعظم نواز شریف، حسن نواز اور حسین نواز کو نوٹسز جاری
  21  اپریل‬‮  2017     |     اہم خبریں
اسلام آباد (روز نامہ اوصاف ) پانامہ لیکس پر سپریم کورٹ نے گذشتہ روز فیصلہ سناتے ہوئے جے آئی ٹی تشکیل دینے کا حکم دیا تھا ۔ تاہم اب رجسٹرار آفس نے سپریم کورٹ کا یہ فیصلہ چھ متعلقہ اداروں کو بھجوا دیا ہے۔رجسٹرار آفس نے جےآئی ٹی کی تشکیل سے متعلق اسٹیٹ بنک ، ایس ای سی پی ، آئی ایس آئی ، ایم آئی ، نیب سے رابطےکیے اور ہدایت کی کہ جے آئی ٹی کے لیے اپنے نمائندے تجویز کریں۔رجسٹرار آفس نے سپریم کورٹ کے فیصلے کی کاپی چئیر مین ایس ای سی پی اور چئیر مین نیب سمیت گورنر اسٹیٹ بنک ، ڈی جی ایم آئی اور ڈی جی آئی ایس آئی کو ارسال کر دی ہے۔ دوسری جانب سپریم کورٹ نے وزیراعظم نوازشریف اور ان کے صاحبزادوں حسن اور حسین نواز کو نوٹسز جاری کر دئے ہیں۔ ذرائع نے بتایا کہ نوٹسز وزیر اعظم کے سیکرٹری اور ایڈووکیٹ آن ریکارڈ کے ذریعے بھجوائے گئے۔ نوٹسز میں وزیر اعظم نواز شریف ، حسن نواز اور حسین نواز کو مشترکہ تحقیقاتی ٹیم سے تعاون کرنے کو کہا گیا۔خیال رہے کہ سپریم کورٹ نے پانامہ لیکس پر جے آئی ٹی بنانے کا حکم دیا ہے جو وزیر اعظم نواز شریف اور ان کے صاحبزادوں سے تحقیقات کرے گی۔

اس خبر کے بارے میں اپنی رائے دیجئے
پسند آئی
75%
ٹھیک ہے
 
کوئی رائے نہیں
 
پسند ںہیں آئی
25%



 سب سے زیادہ پڑھی جانے والی مقبول خبریں





 انٹر نیٹ کی دنیا میں سب سے زیادہ پڑھے جانے والے مضا مینں
loading...


آج کا مکمل اخبار پڑھیں

کار ٹونز

اہم خبریں

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved