اسلام آباد سٹی ٹور بس آغاز کیلئے تیارٜ پاک چائنہ سنٹر میں افتتاح کیا جائے گاٜ چوہدری عبدالغفور
  17  فروری‬‮  2017     |     پاکستان
اسلام آبادٟنامہ نگار خصوصیٞ9 جدید گاڑیوں پر مشتمل اسلام آباد سٹی ٹور بس آغاز کیلئے تیارہے ۔ سیاحت کے فروغ کیلئے پی ٹی ڈی سی نے اس منصوبے کا آغاز کیا ہے جس کے پہلے مرحلے میں اسلام آباد میں سروس کا اجرائ کیا جا رہا ہے۔ یہ بات چوہدری عبدالغفور خان ، منیجنگ ڈائریکٹر پاکستان ٹورازم ڈیویلپمنٹ کارپوریشن نے میڈیا سے گفتگو کے دوران کہی۔ انہوں نے کہا کہ بس سروس کی افتتاحی تقریب پاک چائنہ سنٹر میں عنقریب منعقد کی جائے گی۔ اس سروس کے روٹ میں لوک ورثہ میوزیم، شکر پڑیاں، نیشنل مونومنٹ، لیک ویو پارک، دامن ِ کو ہ اور فیصل مسجد شامل ہیں ۔ اس سلسلے میں مختلف اسکولوں اور کالجز کے نمائندگان سے متعدد ملاقاتیں ہو چکی ہیں جنہوں نے اس سروس کے اجرا کو سراہا اور یقین دہانی کروائی کہ طلبا و طالبات کی بڑی تعداد اس سروس سے مستفید ہو گی۔ چوہدری عبدالغفور نے مزید کہا کہ ہم چاہتے ہیں کہ ہماری نوجوان نسل میں اپنے ملک کی سیر و سیاحت کا شعور اجاگر ہو اور انہیں اپنی قومی ثقافت سے روشناس کروایا جائے ۔ اسکولز اور کالج کے طلبا و طالبات کو ان سرگرمیوں میں شامل کرنے سے نہ صرف ان میں سیاحت کی اہمیت کا اندازہ ہو گا بلکہ اس سے ان کی مشکل حالات نے نمٹنے اور قائدانہ صلاحیتوںمیں اضافہ ہوگا جس کے ساتھ ساتھ وہ تفریحی سرگرمیوں سے بھی لطف اندوز ہو سکیں گے۔ طلبا و طالبات کیلئے پی ٹی ڈی سی نے پاکستان ٹورازم فرینڈز کلب کا بھی اجرا ئ کیا ہے جس کے ممبران پی ٹی ڈی سی کی سہولیات اور ٹرانسپورٹ میں خصوصی رعایتی پیکجز سے استفادہ کر سکتے ہیں۔

اس خبر کے بارے میں اپنی رائے دیجئے
پسند آئی
100%
ٹھیک ہے
 
کوئی رائے نہیں
 
پسند ںہیں آئی
 

رپورٹر   :   سید نا صر عبا س نقوی
روزنامہ اوصاف سے صحافت کا آغاز کیا قبل ازیں مقامی اخبارات سے بھی منسلک رہے پارلیمنٹ اور سپورٹس کے متعلق خبریں نمایا ں رہیں جبکہ -اس حوالے سے مختلف آ ر ٹیکل بھی اخبارات کی زینت بنتے رہے




آج کا مکمل اخبار پڑھیں

کار ٹونز

پاکستان

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved