ملک کے بیشتر علاقوں میں بارش کا امکان‘کشمیر اورگلگت بلتستان میں سلائیڈنگ کا خطرہ
  17  جولائی  2017     |     پاکستان

لاہور ( ویب ڈیسک ) ساون کا مہینہ آگیا ، ملک کے بیشتر علاقوں میں آج بھی بارش کا امکان ہے ، لاہور میں سرمئی بادلوں کے ڈیرے ہیں ، کہیں بارش بھی ہو رہی ہے ۔ کراچی میں بھی موسم انتہائی سہانا ہے ، ساون رت آگئی ہے اور کہیں برسات کا سماں ہے تو کہیں بادلوں نے ڈیرے ڈال رکھے ہیں ۔ کہیں ٹھنڈی ٹھنڈی ہوائیں بھی چل رہی ہیں ۔لاہور میں بھی موسم سہانا ہے ، صبح سے ہی شہر میں کالی گھٹائیں چھائی ہوئی ہیں ۔ بعض مقامات پر تیز ہواؤں کے ساتھ بارش نے ساون کا مزا دوبالا کر دیا

۔ اسلام آباد میں بھی رات گئے ہونیوالی بارش کے بعد موسم خوشگوار ہو گیا ہے ۔کراچی میں بھی سورج اور بادلوں کی آنکھ مچولی جاری ہے ۔ ٹھنڈی ٹھنڈی ہوائیں موسم کو اور حسین بنا رہی ہیں ۔ محکمہ موسمیات کا کہنا ہے آج کراچی ، لاہور ، اسلام آباد ، خیبر پختونخوا اور بلوچستان کے بعض مقامات پر گرج چمک کے ساتھ بارش کا امکان ہے جبکہ مالاکنڈ ، ہزارہ ڈویژن ، گلگت بلتستان اور کشمیر کے پہاڑی علاقوں میں لینڈ سلائیڈنگ کا بھی خدشہ ہے ۔


اس خبر کے بارے میں اپنی رائے دیجئے
پسند آئی
56%
ٹھیک ہے
22%
کوئی رائے نہیں
 
پسند ںہیں آئی
22%


 سب سے زیادہ پڑھی جانے والی مقبول خبریں






آج کا مکمل اخبار پڑھیں

کار ٹونز

پاکستان

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved