دوران پرواز ہیڈ فون کی بیٹری پھٹنے سے خاتون زخمی
  18  مارچ‬‮  2017     |     سائنس/صحت
سڈنی(روزنامہ اوصاف) آسٹریلیا جانے والی فضائی پرواز میں ایک خاتون کا وائر لیس ہیڈ فون دھماکے کے ساتھ پھٹ گیا جس سے خاتون کا چہرہ اور ہاتھ بری طرح جھلس گئے۔بیجنگ سے میلبورن جانے والی پرواز میں یہ واقعہ اس وقت پیش آیا جب خاتون مسافر اپنے بیٹری سے کام کرنے والے وائر لیس ہیڈ فون میں موسیقی سن رہی تھیں۔ اس دوران ہیڈ فون کی بیٹری زور دار دھماکے کے ساتھ پھٹ گئی اور فوراً ہی اس میں آگ بھڑ ک اٹھی۔واقعے میں خاتون کا چہرہ اور ہاتھ بری طرح جھلس گئے اور انہیں فوری طور پر اسپتال منتقل کردیا گیا۔ایئر لائن انتظامیہ کا کہنا ہے کہ بیٹری سے چلنے والی اشیا کے مسلسل استعمال سے وہ گرم ہو کر پھٹ سکتی ہیں یہی وجہ ہے کہ وہ اپنے مسافروں کو بیٹری سے چلنے والا سامان طیارے میں نہ لانے کی ہدایت کرتے ہیں۔انتظامیہ کے مطابق جب واقعہ رونما ہوا اور خاتون نے ہیڈ فون کو فرش پر پھینک دیا تو عملے نے فوری طور پر پانی ڈال کر اس میں لگی آگ بجھانے کی کوشش کی لیکن اس کوشش میں بیٹری پگھل گئی جو طیارے کے فرش سے چپک گئی۔یاد رہے کہ کچھ عرصہ قبل بیٹری پھٹنے کے واقعات میں اچانک اضافہ ہوگیا تھا جب موبائل فون کمپنی سام سنگ کے ماڈل نوٹ 7 کی بیٹری استعمال یا چارجنگ کے دوران گرم ہو کر پھٹ جاتی تھیں اور آگ پکڑ لیتی تھیں۔ان واقعات کو دیکھتے ہوئے دنیا بھر میں فضائی سفر کے دوران نوٹ 7 جہاز پر لانے کی سختی سے ممانعت کردی گئی تھی۔ موبائل فون اور بیٹری پھٹنے کے ان واقعات کی وجہ سے سام سنگ کو کروڑوں ڈالر کا نقصان اٹھانا پڑا تھا۔

اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
100%




 انٹر نیٹ کی دنیا میں سب سے زیادہ پڑھے جانے والے مضا مینں
loading...


آج کا مکمل اخبار پڑھیں

کار ٹونز

سائنس/صحت

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved