معروف ریسلر کو جلال آگیا ، کن 29لوگوں کو قبر میں پہنچانے کا اعلان کر دیا ؟
  11  جنوری‬‮  2017     |      سپورٹس
لندن( روزنامہ اوصاف)اگر اس وقت مقبول ترین ریسلرز کی بات کی جائے تو بلاشبہ انڈرٹیکر کا نام سرفہرست افراد میں سے ایک ہوگا اور اب وہ تیس ریسلرز کے رائل رمبل مقابلے کے لیے فیورٹ امیدوار کے طور پر ابھر کر سامنے آئے ہیں۔طویل عرصے بعد یہ لیجنڈ ریسلر ڈبلیو ڈبلیو ای کے پروگرام را میں شریک ہوئے اور 27 جنوری کو شیڈول تیس ریسلرز کے مقابلے رائل رمبل میں شریک ہونے کا اعلان کیا۔اس موقع پر انڈرٹیکر نے اپنے پرستاروں سے وعدہ کیا 'رائل رمبل میں میری کامیابی کے لیے خطرہ بننے والوں کو قبر میں آرام کرنا پڑے گا'۔ان کا کہنا تھا ' میں 29 قبروں میں 29 روحوں کو دفن کروں گا اور رائل رمبل میچ میں ڈارک سائیڈ لے کر آؤں گا'۔انڈر ٹیکر کے اس اعلان کے ساتھ ہی وہ رائل رمبل مقابلے کے لیے فیورٹ قرار دیئے جانے لگے ہیں جس میں کامیابی کی صورت میں وہ ریسل مینیا 33 میں چیمپئن شپ مقابلے کے حقدار قرار پائے گئے۔یہ مانا جارہا ہے کہ یہ انڈر ٹیکر کا آخری رائل رمبل ایونٹ ہوگا اور ریسل مینیا کے بعد وہ ریسلنگ کو خیرباد کہہ سکتے ہیں۔انڈرٹیکر کا ریسل مینیا 33 میں جان سینا سے مقابلے کا امکان ہے جو رائل رمبل میں ڈبلیو ڈبلیو ای چیمپئن شپ کے لیے اے جے اسٹائلز کے مدمقابل آئیں گے۔اگر جان سینا اے جے اسٹائلز کو شکست دیتے ہیں تو وہ 16 ٹائٹل جیتنے کا رک فلیئر کا ریکارڈ برابر کردیں گے۔

اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
 




  اوصاف سپیشل

آج کا مکمل اخبار پڑھیں

آج کا مکمل اخبار پڑھیں

کار ٹونز

سپورٹس

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved