03:55 pm
 ایران نے اسرائیل کو بھرپور جواب دینے کی دھمکی دے دی ،دونوں ملکوں کے درمیان کشیدگی میں اضافہ

ایران نے اسرائیل کو بھرپور جواب دینے کی دھمکی دے دی ،دونوں ملکوں کے درمیان کشیدگی میں اضافہ

03:55 pm

تہران (مانیٹرنگ ڈیسک )ایرا ن نے خبردار کیا ہے کہ اگر اسرائیلی بحریہ نے اس کے تیل کے جہازوں کے خلاف کوئی کارروائی کی، تو اس کا بھرپور جواب دیا جائے گا۔ایرانی وزیر دفاع عامر حاتامی نے کہا ہے کہ ایرانی مسلح افواج کسی بھی خطرے کی صورت میں اپنے ملک کی شپنگ لائن کی حفاظت کرنے کی قابلیت رکھتی ہیں ۔اسرائیلی جریدے ”یرو شلم پوسٹ“میں شائع ہونے والی خبر کے مطابق ایرانی وزیر دفاع نے کہا کہ ایرانی آئل شپمنٹ کے خلاف اسرائیل کے نیول ایکشن پر بھر پور جواب دیا جائے گا۔ اس سے قبل اسرائیلی وزیراعظم بینجمن نیتن یاہو نے کہا تھا
کہ اسرائیلی بحریہ ایران پر عائد امریکی پابندیوں کے نفاذ کے لیے ایرانی تیل کی سمگلنگ کو روکنے کی خاطر ایرانی بحری جہازوں کے خلاف کارروائی کر سکتی ہے۔ امریکی صدر ڈونلڈ ٹرمپ نے گزشتہ برس ایران اور عالمی طاقتوں کے درمیان طے پانے والے جوہری معاہدے سے نکلنے کا اعلان کرتے ہوئے ایران کے خلاف دوبارہ سخت ترین پابندیوں کے نفاذ کا اعلان کیا تھا۔ امریکی صدر کہہ چکے ہیں کہ وہ ایرانی تیل کی برآمدات کو صفر تک لانا چاہتے ہیں تاکہ ایران کو جوہری پروگرام کے ساتھ ساتھ میزائل پروگرام سے بھی باز رکھا جائے۔گزشتہ ہفتے اسرائیلی بحریہ کے افسروں سے خطاب میں نیتن یاہو کا کہنا تھا کہ ایران اب بھی تیل کی برآمد جاری رکھے ہوئے ہے، جسے روکنے کی کوشش کی جانا چاہیے۔ ایرانی وزیردفاع نے کہا کہ تہران کے پاس عسکری صلاحیت موجود ہے کہ وہ اسرائیلی مداخلت کا جواب دے۔ انہوں نے کہا کہ اسرائیل کی جانب سے ایسے کسی اقدام کی صورت میں بین الاقوامی برادری کو بھی اس کا ساتھ نہیں دینا چاہیے۔

تازہ ترین خبریں