03:07 pm
گوادور میں پی سی ہوٹل پر دہشت گردوں بھاری اسلحے اور راکٹ لانچر سےحملہ

گوادور میں پی سی ہوٹل پر دہشت گردوں بھاری اسلحے اور راکٹ لانچر سےحملہ

03:07 pm

گوادر(مانیٹرنگ ڈیسک )یا اللہ خیر ۔۔ گوادور میں پی سی ہوٹل پر دہشت گردوں بھاری اسلحے اور راکٹ لانچر سےحملہ، ہوٹل میں کون کون سی شخصیات موجود ، وزیر داخلہ کا ہنگامی اعلان ۔۔ وزیرداخلہ بلوچستان ضیاء اللہ لانگو نے کہا ہے کہ ہوٹل میں کچھ افراد کے زخمی ہونے کی اطلاعات ہیں، ہوٹل میں موجود تمام لوگوں کو بحفاظت باہر نکال لیا گیا،کوئی غیرملکی موجود نہیں ہے، ہوٹل انتظامیہ اور سکیورٹی فورسز سے رابطے میں ہیں۔ میڈیا رپورٹس کے مطابق گواد ر میں دہشتگردی کا واقعہ پیش آیا ہے، سکیورٹی ذرائع کا کہنا ہے
کہ گوادر میں فائیو اسٹار ہوٹل میں دھماکے اور فائرنگ کی آوازیں سنا دی گئی ہیں۔ سکیورٹی ذرائع کی جانب بتایا گیا ہے پی سی ہوٹل میں 3حملہ آور داخل ہوگئے ہیں۔ دہشتگردوں کے پاس بھاری اسلحہ اور راکٹ لانچر بھی ہیں۔ سکیورٹی فورسز نے ہوٹل کو گھیرے میں لے لیا ہے۔ دھماکوں اور دہشتگردوں کی ہوٹل میں موجودگی سے لوگوں میں خوف وہراس پھیل گیا ہے۔ سکیورٹی فورسز ہوٹل کو گھیرے میں لے کر دہشتگردوں کا محاصرہ کرلیا ہے۔ ذرائع کا کہنا ہے کہ پی سی ہوٹل گوادر میں 40چینی باشندے موجود ہیں جبکہ 30پاکستانی بھی موجود ہیں۔ وزیراطلاعات بلوچستان کا کہنا ہے کہ گوادر میں پی سی ہوٹل میں فورسز اور دہشتگردوں کے درمیان فائرنگ کا تبادلہ جاری ہے۔ سکیورٹی فورسز کی مزید نفری طلب کرلی گئی ہے۔ انہوں نے کہاکہ سکیورٹی فورسز کے آپریشن کی تفصیلات نہیں بتا سکتے۔ انہوں نے کہا کہ ہوٹل کے قریب آبادی بہت کم ہے۔ لیکن اس علاقے کی سکیورٹی بہت سخت ہے۔ وزیرداخلہ بلوچستان ضیاء اللہ لانگو نے نجی ٹی وی سے گفتگو میں کہا کہ متعلقہ حکام ہوٹل انتظامیہ اور سکیورٹی فورسز سے رابطے میں ہیں۔ ہوٹل میں کچھ افراد کے زخمی ہونے کی اطلاعات ہیں۔ ہوٹل میں موجود تمام لوگوں کو بحفاظت باہر نکال لیا گیا ہے۔ ہوٹل میں کوئی غیرملکی موجود نہیں ہے۔ واضح رہے گواد پورٹ پاک چین سی پیک معاہدے کا بڑا پوائنٹ ہے۔گوادر کے راستے دنیا بھر میں تجارت کی راہیں کھلی ہیں، گواد کی ترقی اور پاک چین سی پیک منصوبے پر پوری دنیا کی نظریں لگی ہوئی ہیں۔ دشمن قوتیں سی پیک کو سبوتاژ کرنے کیلئے پاکستان میں دہشتگردی پھیلا رہی ہیں۔ دشمن قوتوں میں ہمارا ازلی دشمن بھارت سب سے آگے ہے۔ بلوچستان سے بھارتی جاسوس کلبھوشن یادیو کی گرفتاری اور بلوچستان اور کراچی میں دہشتگردی کا اعتراف اس بات کا ثبوت ہے کہ بھارت پاکستان کی معاشی اور تجارتی حتیٰ کہ ہر سطح پر پاکستان کو کمزور دیکھنا چاہتا ہے۔ لیکن بھارت اور دشمن قوتوں کا یہ خواب خواب رہ جائے گا۔

تازہ ترین خبریں