11:22 am
انڈونیشیا میں سیلاب سے ہلاک ہونے والوں کی تعداد 59 ہوگئی

انڈونیشیا میں سیلاب سے ہلاک ہونے والوں کی تعداد 59 ہوگئی

11:22 am

جکارتہ(نیو ز ڈیسک) انڈونیشیا کے صوبے سولاویسی میں سیلاب اور لینڈ سلائیڈنگ کے باعث ہلاکتوں کی تعداد 59 ہوگئی ہے۔غیر ملکی خبر رساں ادارے کے مطابق انڈونیشیا کے صوبے سولاویسی میں سیلاب، لینڈ سلائیڈنگ اور ڈیم بھرجانے کے باعث ہلاکتوں کی

 تعداد 30 سے بڑھ کر 59 ہوگئی ہے۔ریسکیو ادارے نے امدادی کاموں کا آغاز کرتے ہوئے متاثرہ دیہاتوں سے 3 ہزار 4 سو افراد کو بحفاظت نکال لیا ہے جب کہ 20 افراد تاحال لاپتہ ہیں۔ زیادہ تر ہلاکتیں مقامی ڈیم کے اوور فلو کے باعث ہوئیں۔صوبے سولاویسی میں لینڈ سلائیڈنگ اور شدید بارشوں کے باعث پناہ گزین کے لیے عارضی کیمپ قائم کردیئے گئے ہیں جہاں متاثرین کو طبی امداد بھی فراہم کی جا رہی ہے۔ اہم شاہراہیں بند ہونے کے باعث متاثرین کو ہیلی کاپٹر کے ذریعے امداد فراہم کی گئی۔واضح رہے کہ گزشتہ برس انڈونیشیا کو دو ہلاکت خیز سونامی کا سامنا رہا، ستمبر میں زلزلے کے بعد آنے والے سونامی میں 2 ہزار کے قریب لوگ ہلاک ہوئے جب کہ 25 دسمبر کو آنے والے سونامی نے 500 افراد کی زندگی کے چراغ گل کردیے تھے۔

تازہ ترین خبریں