10:58 am
بھارت میں عام انتخابات کا دوسرا مرحلہ، مقبوضہ کشمیر میں کرفیو کا سماں

بھارت میں عام انتخابات کا دوسرا مرحلہ، مقبوضہ کشمیر میں کرفیو کا سماں

10:58 am

اسلام آباد(نیو ز ڈیسک) بھارت میں عام انتخابات کے دوسرے مرحلے میں پولنگ کا عمل جاری ہے تاہم مقبوضہ کشمیر میں عوام نے انتخابات کے نام پر ڈھونگ کو مسترد کردیا ہے۔بھارتی میڈیا کے مطابق بھارت میں ایوان زیریں (لوک سبھا) کے انتخابات کے دوسرے مرحلے میں 95 نشستوں پر پولنگ کا عمل جاری ہے۔ ریاست تمل ناڈو کی 38، مہاراشٹرا کی 10، کرناٹکا کی 14، اتر پردیش کی 8، آسام ، بہار اور اڑیسہ کی 5،5، چھتیس گڑھ ا
ور مغربی بنگال کی 3،3 جب کہ مقبوضہ کشمیر کی 2 اور منی پور کی ایک نشست پر پولنگ ہورہی ہے۔دوسری جانب مقبوضہ کشمیر کے عوام نے انتخابات کے نام پر رچائے جانے والے ڈھونگ کو مسترد کردیا ہے، حریت رہنماؤں کی اپیل پر نام نہاد انتخابات کا مکمل بائیکاٹ کیا گیا ہے، پولنگ اسٹیشن ویران پڑے ہیں جب کہ وادی میں کرفیو کا سماں ہے۔رقم کی تقسیم پر انتخاب ملتویبھارت کی مختلف ریاستوں میں سیاسی جماعتوں اور امیدواروں کی جانب سے ووٹرز کو لبھانے کے لیے شراب، ملبوسات، سونے کے زیور اور نقد رقم کی تقسیم بڑے پیمانے پر ہوتی ہے، بھارتی ریاست تمل ناڈو کے حلقہ ویلور میں نقد رقم بانٹنے پر انتخاب ملتوی کردیا گیا ہے۔واضح رہے کہ لوک سبھا کے انتخابات کا پہلا مرحلہ 11 اپریل کو ہوا تھا جس میں 20 ریاستوں کی 91 نشستوں پر ووٹنگ ہوئی تھی۔

تازہ ترین خبریں