09:07 pm
رات گئے کچھ کھانے کی عادت فوری ترک کر دیں ورنہ آپ ایسے مر ض میں مبتلا ہوسکتے ہیں جس کا آپ نے کبھی سوچا بھی نہ ہوگا

رات گئے کچھ کھانے کی عادت فوری ترک کر دیں ورنہ آپ ایسے مر ض میں مبتلا ہوسکتے ہیں جس کا آپ نے کبھی سوچا بھی نہ ہوگا

09:07 pm

اسلام آباد(مانیٹرنگ ڈیسک)اکثر افراد کو رات گئے کچھ کھانے کی طلب ہوتی ہے جس کو پورا کرنے میں لطف بھی محسوس ہوتا ہے، مگر یہ عادت طویل المعیاد بنیادوں پر جان لیوا امراض کا باعث بن سکتی ہے۔یہ انتباہ میکسیکو میں ہونے والی ایک طبی تحقیق میں سامنے آیا۔میکسیکو یونیورسٹی کی تحقیق میں بتایا گیا کہ رات کو بے وقت کچھ ہلکا پھلکا کھانے کی عادت جسم کی حیاتیاتی گھڑی کے افعال میں مداخلت کا باعث بنتی ہے
جس کے نتیجے میں خون میں چربی کی سطح بڑھ جاتی ہے جو کہ دل کے مسائل کا باعث بنتی ہے۔اس سے پہلے بھی یہ بات سامنے آچکی ہے کہ رات گئے اس طرح کھانے کی عادت جلدی صحت کے لیے تباہ کن ثابت ہوتی ہے۔اب اس نئی تحقیق میں بتایا گیا کہ جسمانی گھڑی صحت کے لیے بہت اہمیت کی حامل ہے، جس کے افعال میں کبھی کبھار مداخلت تو نقصان دہ نہیں، تاہم اسے عادت بنالینا طویل المعیاد بنیادوں پر نقصان دہ ثابت ہوتی ہے۔اس تحقیق کے دوران چوہوں پر تجربات کیے گئے اور انہیں بے وقت یا سونے کے وقت کچھ کھلایا گیا تو خون میں چربی کی سطح میں نمایاں اضافہ ہوگیا۔محققین کا کہنا تھا کہ خون میں چربی کی سطح بڑھنا نہ صرف میٹابولزم ریٹ کو متاثر کرتا ہے بلکہ یہ امراض قلب اور ذیابیطس کا خطرہ بھی بڑھا دیتا ہے۔اس تحقیق کے نتائج طبی جریدے جرنل ایکسپیرمینٹل فزیولوجی میں شائع ہوئے۔

تازہ ترین خبریں