09:43 pm
جب بھی یہ مسجد مکمل ہوگی تمہارا انتقال ہو جائے گا، پاکستان کی ایسی مسجد جس کی تعمیر میں 50 برس لگ گئے

جب بھی یہ مسجد مکمل ہوگی تمہارا انتقال ہو جائے گا، پاکستان کی ایسی مسجد جس کی تعمیر میں 50 برس لگ گئے

09:43 pm

ویسے تو پاکستان میں کئی تاریخی مساجد اور عبادت گاہیں موجود ہیں، جو اپنی تاریخ یا حسنِ تعمیر کی وجہ سے جانی جاتی ہیں لیکن شاید بہت کم لوگوں نے اس مسجد کا ذکر سن رکھا ہے جسے بنانے میں 50 برس لگے۔یہ مسجد رحیم یار خان کی تحصیل صادق آباد کی مرکزی شاہراہ پر واقع ہے لیکن آج کل یہاں سے گزرنے والے مسافر عام طور پر نزدیک بنی نئی موٹروے پر فراٹے بھرتے یہاں سے گزر جاتے ہیں۔ تاہم پرانے وقتوں میں پنجاب اور سندھ کی سرحد کے قریب واقع
اس مسجد کو دیکھنے لوگ دور دور سے آتے اور یہاں سے گزرنے والے مسافر بھی اس مسجد کی زیارت کو لازمی سمجھتے تھے۔یہ ذکر ہے بھونگ مسجد کا، جس کے ڈیزائن، طرزِ تعمیر اور خوبصورت خطاطی کی وجہ سے سنہ 1986 میں اسے آغا خان ایوارڈ برائے اسلامی فنِ تعمیر بھی دیا گیا۔لیکن اس مسجد کی تاریخ کیا ہے اور اسے مکمل کرنے میں اتنی دیر کیوں لگی؟ایک روایت کے مطابق اس مسجد کی تعمیر میں اتنا عرصہ اس لیے لگا کہ علاقے میں یہ بات مشہور تھی کہ اسے بنوانے والے رئیس نے اس مسجد کو اپنی زندگی کے دوران جان بوجھ کر مکمل نہیں کروایا۔ تو ایسا کیوں تھا؟ جاننے کے لیے پڑھتے رہیے۔رئیس غازی محمد کا تعلق انڈرھ قوم سے تھا جو راجپوتوں کی ایک شاخ تھی اور جسیلمیر اور بیکانیر (دور حاضر کا راجستھان) کے علاقے پر حکمران رہی۔ان کے مورث اعلیٰ محمد جیا مرحوم بھونگ میں اقامت گزین ہو گئے تھے جنھیں مشہور سہروردی بزرگ حضرت شیخ بہاؤالدین ذکریا ملتانی کے خلیفہ مجاز حضرت پیر موسیٰ نواب سے شرف بیعت حاصل تھا۔ان کے خاندان کی دوسری شاخ سکھر میں قیام پذیر ہوئی جس کے سربراہ شیخ احمد تھے۔ یہ بھی حضرت پیر موسیٰ نواب کے مرید تھے۔انھوں نے عملاً فقیری اختیار کر لی تھی چنانچہ شکارپور، پنوں عاقل اور گھوٹکی میں ان کی درویشی کا سلسلہ اب بھی قائم ہے۔ قیام پاکستان کے وقت اس خاندان کے سربراہ رئیس غازی محمد تھے۔دولت و ثروت اور جاہ و حشمت کے باوجود وہ سادہ زندگی گزارنے کے قائل تھے۔ بے شمار زرعی اراضی ان کی ملکیت تھی، وہ فرسٹ کلاس آنریری مجسٹریٹ بھی رہے۔ وہ بہاولپور دربار میں کرسی نشین رہے اور بہاولپور کی پہلی اسمبلی کے قیام سے ہی سیاست کے میدان میں موجود رہے۔لیکن ان تمام اعزازات کے باوجود جو امتیازی وصف ان کی شخصیت کو نمایاں کرتا تھا وہ تھا ان کا مذہبی جذبہ، وہ اللہ اور پیغمبرِ اسلام کی خوشنودی کو ہر حال میں مقدم سمجھتے تھے۔ انھیں دینی کاموں میں بے حد دلچسپی تھی اور روایات کے مطابق یتیموں، بیواؤں اور غریبوں کی امداد و سرپرستی کا کوئی موقع ہاتھ سے نہیں جانے دیتے تھے۔بھونگ مسجد جس مقام پر تعمیر ہوئی وہاں پہلے بھی ایک مسجد موجود تھی۔ رئیس غازی محمد نے اس مسجد کے سامنے ایک محل تعمیر کروایا تھا جہاں رئیس صاحب کے دوست خصوصاً امیر بہاولپور نواب صادق محمد خان قیام کر سکیں، شکار کریں اور دریا کے کنارے سیر کا لطف اٹھائیں۔ایک دن جب رئیس غازی محمد اسی مسجد میں نماز ادا کر رہے تھے تو انھیں احساس ہوا کہ محل کی شان و شوکت مسجد سے بڑھ گئی ہے۔ انھوں نے اسی وقت استغفار کیا اور مسجد کے مقام پر تقریباً دگنے رقبے پر ایک نئی مسجد تعمیر کرنے کا فیصلہ کیا۔ یہ سنہ 1932 کے لگ بھگ کی بات ہے۔مسجد کی تعمیر میں مصروف کاریگروں کے قیام و طعام کا انتظام بھونگ میں ہی کیا گیا تھا۔ ان کاریگروں کو بہت سی مراعات بھی حاصل تھیں۔ تب صادق آباد سے بھونگ تک مناسب ذرائع نقل و حمل موجود تھے نہ ہی پختہ سڑک تھی۔ لہٰذا بھاری مشینری اور تعمیراتی سامان صادق آباد ریلوے سٹیشن سے بھونگ تک تقریباً 20 کلومیٹر کچے راستوں پر بیل گاڑیوں اور اونٹوں پر لاد کر لایا جاتا تھا۔مسجد کی تعمیر کے لیے کوئی باقاعدہ نقشہ نہیں بنایا گیا تھا، رئیس غازی محمد کے ذہن میں محض ایک خاکہ تھا جس کے مطابق تعمیر کا آغاز کیا گیا۔رئیس غازی محمد مختلف ممالک میں جاتے، وہاں کی مساجد دیکھتے اور جو چیز پسند آ جاتی اس کے مطابق مسجد کی تعمیر میں تبدیلی کرواتے رہتے۔ اس طرح مسجد کے ڈیزائن میں کئی بار تبدیلی کی گئی اور کئی حصوں کو دوبارہ نئے سرے سے تعمیر کیا گیا۔ تعمیر میں اتنا عرصہ اس لیے لگا کہ علاقے میں یہ بات مشہور تھی کہ رئیس غازی محمد اس مسجد کو جان بوجھ کر مکمل نہیں کروا رہے کیونکہ کسی پیر فقیر نے انھیں کہا ہے کہ جب بھی یہ مسجد مکمل ہو گی، تمہارا انتقال ہو جائے گا۔ جب 1975 میں رئیس غازی محمد کا انتقال ہوا تو اس وقت بھی مسجد کے بڑے مینار کی تعمیر کا کام جاری تھا۔ سنہ 1950 میں ایک نئے مسئلے کی نشاندہی ہوئی، سیم کی وجہ سے مسجد کی عمارت کو نقصان پہنچنے کا خطرہ تھا۔ اس خطرے کے پیش نظر تب تک بننے والی تمام عمارت کو گرا دیا گیا اور 20 فٹ بلند ایک چبوترہ بنا کر اس پر نئے سرے سے مسجد کی عمارت تعمیر کی گئی۔ اس سے مسجد کی پائیداری کے ساتھ خوبصورتی اور جلال و عظمت میں بھی اضافہ ہو گیا۔سنہ 1975 میں رئیس غازی محمد کی وفات کے بعد اس مسجد کی تعمیر کا فریضہ ان کے بڑے بیٹے رئیس شبیر محمد نے سنبھال لیا، جو خود بھی درویش صفت انسان تھے اور صوبائی اور قومی اسمبلی کے رکن بھی رہے تھے۔ ان کا انتقال 2 اپریل 2021 کو کراچی میں ہوا۔ رئیس شبیر محمد کے انتقال کے بعد اب اس مسجد کا انتظام ان کے صاحبزادے اور سابق وفاقی وزیر سردار رئیس منیر احمد کے ہاتھ میں ہے۔سنہ 1982 میں مسجد کی تعمیر مکمل ہوئی تو اسے شہرت ملنا شروع ہوئی۔ دنیا بھر سے سیاح اس مسجد کو دیکھنے کے لیے آنے لگے۔ 22 دسمبر1986 کو اس مسجد کو اسلامی فن تعمیر کے فروغ کے لیے قائم کیے گئے آغا خان ایوارڈز فار اسلامک آرکیٹکچر سے نوازا گیا۔ اس ایوارڈ کو وصول کرنے کے لیے رئیس شبیر محمد بذات خود مراکش گئے اور پرنس کریم آغا خان کے ہاتھوں ایوارڈ وصول کیا۔اس ایوارڈ کے ساتھ جو سند عطا ہوئی اس میں سردار رئیس غازی محمد خان کی خدمات کے اعتراف کے ساتھ ساتھ ان کاریگروں کی خدمات کو بھی خراج تحسین پیش کیا گیا تھا جنھوں نے اس مسجد میں اپنے فن کا اعجاز دکھایا تھا۔ ان کاریگروں میں حاجی رحیم بخش، مستری فیض محمد، اللہ دوایا، نبی بخش، حافظ انور، فیض بخش، واحد بخش، رحیم بخش، سید شاہ غلام محمود، عبدالغنی، اللہ بخش اور احمد بخش کے نام شامل تھے۔ یہ سند بھونگ مسجد میں آویزاں ہے۔بھونگ مسجد میں ایک مدرسہ، ایک لائبریری اور وہ حجرہ بھی موجود ہے جہاں رئیس غازی محمد عبادت کیا کرتے تھے۔ مسجد کا مرکزی دروازہ مشہد (ایران) میں امام رضا کے مزار کے صدر دروازے جیسا ہے۔دروازے سے اندر داخل ہوں تو لاہور کے شالامار باغ کے انداز میں ایک وسیع العریض باغ ہے جس سے گزرنے کے بعد مسجد کی سیڑھیاں شروع ہوتی ہیں۔ سیڑھیاں چڑھنے کے بعد مسجد کا صحن شروع ہوتا ہے جو سنگ مرمر اور سنگ سیاہ سے آراستہ ہے جہاں ایک وقت میں دو ہزار سے زائد نمازی نماز ادا کر سکتے ہیں۔ مسجد کے مرکزی گنبد پر نیلے رنگ کی ٹائلیں لگی ہوئی ہیں جن پر میناکاری اور گل کاری کا نہایت نفیس کام کیا گیا ہے۔عمارت کے محرابی دروازوں میں قرآنی آیات کندہ ہیں، مرکزی دروازے کی محراب کے اندر نہایت نفاست کے ساتھ سیپ کو تراش کر آیت الکرسی تحریر کی گئی ہے، تمام دروازے ہاتھی دانت کے نفیس اور باریک کام سے مزین ہیں۔مسجد کا برآمدہ 18 ستونوں پر مشتمل ہے، ہر ستون کی اونچائی 8 فٹ ہے اور تمام کے تمام ایک ہی جیسے قدرتی رنگ پر مشتمل ہے۔مسجد کی مرکزی محراب کی تزئین و آرائش میں خالص سونا، چاندی اور قیمتی پتھر استعمال کیا گیا ہے۔مسجد کے مرکزی ہال میں داخل ہوں تو دلکش نقش و نگار، خوبصورت گل کاری اور منفرد ڈیزائن سیاحوں کو حیرت زدہ کردیتے ہیں۔ یہاں صندل کی لکڑی کا کام اتنی نفاست اور دیدہ ریزی سے کیا گیا ہے جس کی مثال نہیں ملتی۔14 اگست 2003 کو حکومت پاکستان نے سردار رئیس غازی محمد کو ان کی اس خدمت کے اعتراف میں بعد از مرگ ستارۂ امتیاز کا اعزاز عطا کیا اور 12 مئی 2004 کو حکومت پاکستان نے بھونگ مسجد کی تصویر سے مزین ایک یادگاری ڈاک ٹکٹ جاری کیا جس کا ڈیزائن عادل صلاح الدین نے تیار کیا تھا۔

image.png

تازہ ترین خبریں

 ن لیگ کے بجلی کے منصوبے موجودہ حکومت سے نہیں چل رہے، مہنگائی اور بجلی بلوں میں اضافہ سے عوام تنگ آ چکی ہے۔احسن اقبال

ن لیگ کے بجلی کے منصوبے موجودہ حکومت سے نہیں چل رہے، مہنگائی اور بجلی بلوں میں اضافہ سے عوام تنگ آ چکی ہے۔احسن اقبال

 حکومت کی جانب سے الیکٹرانک ووٹنگ مشین انتخابات میں دھاندلی کے لئے استعمال کرنے کی کوشش ہے ۔ فرحت اللہ بابر

حکومت کی جانب سے الیکٹرانک ووٹنگ مشین انتخابات میں دھاندلی کے لئے استعمال کرنے کی کوشش ہے ۔ فرحت اللہ بابر

سندھ حکومت نے تھر کے 200گائوں کےلئے 28کروڑروپے مختص کردیے

سندھ حکومت نے تھر کے 200گائوں کےلئے 28کروڑروپے مختص کردیے

سندھ کے اندر جمہوریت کے نام پر ڈکٹیٹرشپ موجود ہے۔ سندھ میں اگلی حکومت پاکستان تحریک انصاف کی ہوگی۔فواد چوہدری

سندھ کے اندر جمہوریت کے نام پر ڈکٹیٹرشپ موجود ہے۔ سندھ میں اگلی حکومت پاکستان تحریک انصاف کی ہوگی۔فواد چوہدری

آندھی کےباعث مکان کی چھت گر گئی ۔۔5 افراد دب گئے

آندھی کےباعث مکان کی چھت گر گئی ۔۔5 افراد دب گئے

چشتیاں میں کنویںکی دیوار بناتے ہوئے زمین بیٹھ گئی ۔۔۔ 3 مزدور جاں بحق

چشتیاں میں کنویںکی دیوار بناتے ہوئے زمین بیٹھ گئی ۔۔۔ 3 مزدور جاں بحق

لاہور میں تیز آندھی اور گرد آلود ہواؤں کے باعث 120 فیڈرز پر بجلی معطل ہو گئی۔

لاہور میں تیز آندھی اور گرد آلود ہواؤں کے باعث 120 فیڈرز پر بجلی معطل ہو گئی۔

آندھی کےباعث مکان کی چھت گر گئی ۔۔5 افراد دب گئے

آندھی کےباعث مکان کی چھت گر گئی ۔۔5 افراد دب گئے

 پی ‏ٹی آئی کی حکومت نےگالم گلوچ کی سیاست کی بنیادڈالی ہے۔وزیراطلاعات سید ناصرحسین شاہ

پی ‏ٹی آئی کی حکومت نےگالم گلوچ کی سیاست کی بنیادڈالی ہے۔وزیراطلاعات سید ناصرحسین شاہ

 پاکستان ایک پرامن، خود مختار اور مستحکم افغانستان کا خواہاں ہے۔شاہ محمود قریشی

پاکستان ایک پرامن، خود مختار اور مستحکم افغانستان کا خواہاں ہے۔شاہ محمود قریشی

 ہر طرح کی کرپشن کے خاتمے پر یقین رکھتے ہیں، معصوم پاکستانیوں کے اربوں لوٹنے والوں سے قانون کے مطابق نمٹیں گے۔ چیئرمین نیب

ہر طرح کی کرپشن کے خاتمے پر یقین رکھتے ہیں، معصوم پاکستانیوں کے اربوں لوٹنے والوں سے قانون کے مطابق نمٹیں گے۔ چیئرمین نیب

 محترمہ بینظیر بھٹو شہید نے جس نظریے کے لئے اپنی جان کا نذرانہ دیا وہ نظریہ ہمارے لئے مشعل راہ ہے۔ آصف علی ذرداری 

 محترمہ بینظیر بھٹو شہید نے جس نظریے کے لئے اپنی جان کا نذرانہ دیا وہ نظریہ ہمارے لئے مشعل راہ ہے۔ آصف علی ذرداری 

محلےکے لڑکوں سے ناجائز تعلقات پر 14سالہ لڑکی کو مار ڈالا گیا

محلےکے لڑکوں سے ناجائز تعلقات پر 14سالہ لڑکی کو مار ڈالا گیا

 الیکشن سے پہلے عوام کو بڑے بڑے خواب دکھائے گئے مگر نہ معیشت بہتری ہوئی اور نہ ہی ایک کروڑ نوکریاں دی گئیں ۔مفتاح اسماعیل

الیکشن سے پہلے عوام کو بڑے بڑے خواب دکھائے گئے مگر نہ معیشت بہتری ہوئی اور نہ ہی ایک کروڑ نوکریاں دی گئیں ۔مفتاح اسماعیل