رمضان المبارک کی آمد آمد، بینکوں کے اوقات کار تبدیل کر دئیے گئے
  17  مئی‬‮  2018     |      کاروبار

لاہور (نیوز ڈیسک ) رمضان المبارک کی آمد آمد، بینکوں کے اوقات کار تبدیل کر دئیے گئے کل سے بینکوں کے اوقات کار 8 بجے صبح سے 2 بج کر 15 منٹ دوپہر تک ہوں گے جبکہ جمعہ کے روز بینک 8 بجے کھلیں گے اور 1بجے بند ہوا کریں گے۔تفصیلات کے مطابق پاکستان بھر میں رمضان المبارک کی آمد کے باعث بینکوں کے اوقات کار تبدیل کر دئیے گئے ہیں۔آج سے بینکوں کے اوقات کار 8 بجے صبح سے 2:15 دوپہر تک ہوں گے جبکہ جمعہ کے روز بینک 8 بجے کھلیں گے اور 1بجے بند ہوا کریں گے۔۔اسٹیٹ بینک آف پاکستان کی جانب سے جاری کردہ شیڈول کے مطابق پبلک ڈیلنگ کے اوقات عام دنوں میں 8 بجے سے 1:45 تک جبکہ جمعے کے روز 8 بجے سے 12:30تک ہوں گے جبکہ پنجاب میں سرکاری دفاتر کے اوقات کار 8 بجے سے 2بجے تک ہوں گی۔دوسری جانب آزاد جموں وکشمیر سروسز اینڈ جنرل ایڈمنسٹریشن کی طرف سے رمضان المبارک کے دوران سرکاری دفاتر کے اوقات کا تعین کردیا ہے ۔

رمضان المبار ک کے دوران ہفتہ میں پانچ دن کام کے والے دفاتر میں سموار تا جمعرات دفتری اوقات کار صبح 8 بجے سے دوپہر دو بجے جبکہ جمعہ کے دن صبح 8 بجے سے دن ایک بجے اوقات کار ہونگے ۔اس طرح ہفتہ میں 6 دن کام کرنے والے دفاتر کے اوقات کار صبح 8 بجے سے دن ایک بجے جبکہ جمعہ کو صبح 8بجے سے دن12 بجے اوقات کار ہونگے۔اسی طرح رمضان المبارک کے لیے لاہور ایوانِ صنعت و تجارت کے اوقاتِ کار تبدیل کردئیے گئے ہیں، ہفتہ سے جمعرات تک لاہور ایوان کے اوقاتِ کار بغیر کسی وقفہ کے صبح 9:00بجے تا سہ پہر3:00بجے تک جبکہ بروز جمعة المبارک اوقاتِ کار صبح 9:00 بجے سے دوپہر12:00بجے تک ہونگے۔


اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
 


 سب سے زیادہ پڑھی جانے والی مقبول خبریں






آج کا مکمل اخبار پڑھیں

کاروبار

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved