09:18 am
حکومت کا اکنامک ریفارم پیکج انتہائی مثبت پیش رفت ، ملکی معیشت اور انڈسٹری مستحکم ہو گی :الماس حیدر صدر لاہور چیمبر آف کامرس

حکومت کا اکنامک ریفارم پیکج انتہائی مثبت پیش رفت ، ملکی معیشت اور انڈسٹری مستحکم ہو گی :الماس حیدر صدر لاہور چیمبر آف کامرس

09:18 am

لاہور(نیو زڈیسک)لاہور چیمبر آف کامرس اینڈ انڈسٹری کے صدر الماس حیدرنے کہا ہے کہ حکومت نے بجٹ نہیں بلکہ اکنامک ریفارم پیکج پیش کیا ہے ،حکومت نے کوشش کی ہے کہ گذشتہ دس سال سے جو خرابیاں ہوئی ہیں ان میں سے جتنا کم کر سکتے ہیں کر دیں،150 را مٹیریل پر ڈیوٹیاں کم ہونے سے پاکستان کی انڈسٹری مستحکم ہو گی ، ‏تحریک انصاف نے ملکی معیشت کے لئے جو کرنا تھا اس میں سے بہت کچھ آج کردیا ہے۔نجی ٹی
وی سے گفتگو کرتے ہوئے لاہور چیمبر آف کامرس کے صدر نے حکومت کے منی بجٹ پر اطمنان کا اظہار کرتے ہوئے کہا کہ حکومت نے بجٹ پیش نہیں کیا بلکہ اکنامک ریفارم پیکج دیا ہے،وہ خرابیاں یا کوتاہیاں جو پچھلے دس سالوں میں ہوئی ہیں ،تحریک انصاف کی حکومت نے انہیں دور کرنے کی کوشش کی ہے ،ماضی میں بہت سارے ٹیکسز اور ود ہولڈنگ لگے ،آڈٹ سمیت بہت ساری چیزیں ہو رہی ہیں،حکومت نے کوشش کی ہے کہ ملکی معیشت میں پائی جانے والی ان خرابیوں میں سے جو بھی کم کر سکتے ہیں وہ کر دیں ۔انہوں نے کہا کہ سب سے اہم بات یہ ہے کہ اکنامک ریفارم پیکج میں حکومت نے 150 رامٹیریل پر ڈیوٹیاں کم کر دی ہیں ،اگر واقعی ایسا ہوا ہے تو اس سے انڈسٹری مضبوط ہو جائے گی اور اس سے سرمایہ کاری بھی آئے گی جبکہ روزگار کے مواقع بھی ملیں گے ۔صدر لاہور چیمبر آف کامرس اینڈ انڈسٹری الماس حیدر کا کہنا تھا کہ اکنامک ریفارم پیکج سے ملکی صنعت مضبوط ہو گی اور ملک بھر میں روزگار کے مواقع پیدا ہوں گے ،جس وقت صنعت و تجارت چلتی ہے تو لوگوں کو روزگار بھی ملتا ہے ،جس وقت سپلائی ڈیمانڈ کا ریلشن شپ ٹھیک ہوتا ہے اور ڈیمانڈ کی وجہ سے سپلائی بڑھنا شروع ہوتی ہے تو قیمتیں بھی نیچے آنا شروع ہو جاتی ہیں ۔انہوں نے کہا کہ یہ ایک نیچرل پراسس ہے ،جو خود بخود ہو گا تاہم اس حوالے سے کوئی ٹائم فریم نہیں دیا جا سکتا ،ہر چیز کا ایک فرق ہوتا ہے ،کچھ چیزیں ہیں جن میں 6 ماہ میں فرق آئے گا اور کچھ چیزیں ہو ں گی جن کا نتیجہ دو سال میں آئے گا ،حکومت کا اکنامک ریفارم پیکج انتہائی مثبت ہے ،تحریک انصاف کی حکومت نے ملکی معیشت کے لئے جو کرنا تھا اس میں سے بہت کچھ آج کردیا ہے جو رہ گیا ہے وہ ہم حکومت سے اگلے بجٹ میں کروائیں گے ۔

تازہ ترین خبریں