10:22 am
اوپن مارکیٹ میں ڈالر 20 پیسے سستا

اوپن مارکیٹ میں ڈالر 20 پیسے سستا

10:22 am

کراچی (نیو زڈیسک) اوپن مارکیٹ میں ڈالر 139 روپے 30 پیسے پر فروخت ہوا جبکہ انٹر بینک میں ڈالر 5 پیسے سستا ہوگیا۔ انٹر بینک میں ڈالر 138 روپے 84 پیسے پر بند ہوا۔دوسری جانب پاکستان سٹاک مارکیٹ 7 ہفتے کی بلند ترین سطح پر پہنچ گئی، 100 انڈیکس ساڑھے 40 ہزار کی نفسیاتی حد عبور کرگیا۔سرمایہ کار بجٹ سے خوش ہوگئے، پاکستان اسٹاک ایکسچنج میں 534 پوائنس جبکہ سٹاک مارکیٹ میں 1 اعشاریہ 32 فیصد کا اضافہ ہوا،
سٹاک مارکیٹ 7 ہفتے کی بلند ترین کی سطح پر پہنچ گئی، 100 انڈیکس 40 ہزار 592 پوئنٹس پر پہنچ گیا۔یاد رہے وزیر خزانہ اسد عمر کی جانب سے پیش کیے گئے معاشی اصلاحاتی پیکج میں سٹاک مارکیٹ کے سرمایاکاروں کو زبردست مراعات دینے کا اعلان کیا گیا۔ شیئرز کی خرید و فروخت پر عائد 0.2 فیصد ود ہولڈنگ ٹیکس ختم کرنے کی تجویز دی گئی جبکہ 15 فیصد انٹر کارپوریٹ ڈیوڈنڈ ٹیکس ختم کرنے کی سفارش بھی کی گئی۔اس کے علاوہ خسارہ ہونے کی صورت میں بروکر کو ادائیگی ایک سال کے بجائے اب 3 سال میں کرنی ہو گی۔ اسد عمر کا کہنا تھا گزشتہ 3 ہفتوں میں حصص بازار میں 3 ہزار پوائنٹس کا اضافہ ہوا ہے اور حکومت ملک میں سرمایہ کاری کے فروغ کی خاطر کاروبار میں آسانیاں پیدا کر رہی ہے۔

تازہ ترین خبریں