01:25 pm
ڈالر کو ریورس گیئر لگ گیا

ڈالر کو ریورس گیئر لگ گیا

01:25 pm

اسلام آباد(نیو زڈیسک) ڈالر کو ریورس گیئر لگ گیا، پاکستانی روپے کی تگڑی واپسی،ڈالر کو روند ڈالا۔انٹربینک مارکیٹ میں ڈالر کے ریٹ 141.28 سے گھٹ کر 141.12 روپے ہوگئے۔انٹربینک مارکیٹ میں بدھ کو ڈالر 16پیسے سستا ہوگیا جس کے نتیجے میں ڈالر کے انٹربینک ریٹ 141.28 سے گھٹ کر 141.12 روپے ہوگئے۔اس کے برعکس اوپن کرنسی مارکیٹ میں ڈالر کی قدر بغیر کسی تبدیلی کے141روپے 70پیسے پر مستحکم رہی۔دوسری جانب پاکستان اسٹاک ایکسچینج میں کاروبار کے آغاز پرآج منفی کے بعد مثبت رجحان دیکھنے میں آیا۔
کاروبار کے دوران 100 انڈیکس میں 75 پوائنٹس کی کمی دیکھنے میں آئی ۔ 100 انڈیکس 34 ہزار 960 کی سطح پر آگیا ۔تاہم اس وقت مارکیٹ میں تیزی دیکھنے میں آرہی ہے ۔ 100انڈیکس میں 190پوائنٹ کا اضافہ ہواہے ۔انڈیکس 35 ہزار 200 کی سطح عبور کرگیا ہے۔یاد رہے گزشتہ روز بھی پاکستان اسٹاک ایکسچینج میں کاروبار کے دوران شدید مندی دیکھی گئی۔ کے ایس ای 100 انڈیکس میں 596 پوائنٹس کی کمی سے 35035 پر بند ہوا۔بدھ کو اسٹاک مارکیٹ کے کاروباری ہفتہ کے تیسرے روز شدید مندی کا رجحان موجود رہا۔ دوپہر 12 بجے تک کے ایس ای 100 انڈیکس میں 633 پوائنٹس کی کمی ریکارڈ کی گئی۔ 100 انڈیکس 34 ہزار 997 پوائنٹس پر پہنچ گیا تھا۔ ایک دن میں انڈیکس میں 1.70 فیصد کی کمی ریکارڈ کی گئی۔ابتدائی ایک گھنٹے کے دوران 100 انڈیکس میں 319 پوائنٹس کی کمی بھی ریکارڈ کی گئی جس کے بعد 100 انڈیکس 35 ہزار 313 پوائنٹس پر ٹریڈ کر رہا تھا۔

تازہ ترین خبریں