07:16 am
انٹر بینک مارکیٹ میں ڈالر کی قیمت میں 34 پیسے کی کمی

انٹر بینک مارکیٹ میں ڈالر کی قیمت میں 34 پیسے کی کمی

07:16 am

کراچی (نیوز ڈیسک ) انٹر بینک مارکیٹ میں ڈالر کی قیمت میں کمی ہوئی ۔ تفصیلات کے مطابق انٹر بینک مارکیٹ میں ڈالر کی قیمت میں 34 پیسے کی کمی ہوئی جس کے بعد ڈالر 149 روپے 30 پیسے پر ٹریڈ ہو رہا ہے۔ خیال رہے کہ گذشتہ روز انٹر بینک میں ڈالر92 پیسے سستا ہوا تھا۔ گذشتہ روز کارباری دن کے آغاز میں اسٹاک مارکیٹ میں زبردست تیزی دیکھنے میں آئی تھی۔
مجموعی طور پر کے ایس سی 100انڈیکس میں 923 پوائنٹس کا اضافہ ہوا۔ اس اضافے کے بعد 100 انڈیکس 35873 پوائنٹس پر پہنچ گیا۔ اسٹاک مارکیٹ میں مسلسل کئی روز اضافہ دیکھنے کے بعد منگل کے روز اسٹاک مارکیٹ میں شدید مندی کا رجحان رہا۔ قبل ازیں پیر کے روز انٹربینک مارکیٹ میں ڈالر کی قیمت میں کمی دیکھنے میں آئی تھی۔ہفتے کے پہلے کاروباری دن کے آغاز میں ہی سٹاک مارکیٹ میں 114پوائنٹس کا اضافہ دیکھنے میں آیا اور 3 کاروباری سیشنز میں ڈالر 2 روپے 45 پیسے سستا ہو گیا تھا۔یہاں یہ بات قابل ذکر ہے کہ انٹر بینک میں ڈالر کی قیمت میں مسلسلم کمی ہو رہی ہے۔ گذشتہ ہفتے جمعہ کے روز ڈالر 53 پیسے سستا ہو کر انٹر بینک میں 150.91 اور اوپن مارکیٹ میں 151.70 روپے پر بند ہوا تھا۔ جبکہ گذشتہ ہفتے 21 مئی بروز منگل کو اوپن مارکیٹ میں ڈالر تاریخ کی بلند ترین سطح 153 پر پہنچ گیا تھا ۔ ڈالر کی قیمت ملکی تاریخ کی بلند ترین سطح پر پہنچنے کے بعد عوام نے ذخیرہ کیے گئے ڈالرز مارکیٹ میں واپس کرنا شروع کر دیے ہیں۔اس باعث ڈالر کی مانگ میں کمی ہوئی اور روپے کی قدر میں اضافہ ہونے لگا تھا۔ ڈالر کی قیمت میں اُتار چڑھاؤ کے حوالے سے چیئرمین ایکسچینج کرنسی ایسوسی ایشن ملک بوستان کا کہنا تھا کہ آئندہ دنوں میں ڈالر کی قیمت 5 سے 6 روپے مزید کم ہوسکتی ہے۔ انہوں نے کہا کہ ہم نے قوم سے اپیل کی تھی کہ ڈالر کا بائیکاٹ کریں جس کے بعد عوام نے ڈالر بیچنا شروع کر دیئے۔معاشی تجزیہ کاروں کے مطابق سعودی عرب سے اُدھار تیل ملنے کی خبر کے باعث توقع کی جارہی ہے کہ مستقبل میں روپے پر دباؤ مزید کم ہو گا۔ لیکن دوسری جانب کچھ معاشی ماہرین کے مطابق ڈالر کی قیمت میں کمی اور پیسے کی قدر میں استحکام صرف وقتی ہے کیونکہ بجٹ کے بعد ڈالر کی قیمت میں ایک مرتبہ پھر سے اُتار چڑھاؤ شروع ہونے کا امکان ظاہر کیا جارہا ہے۔

تازہ ترین خبریں