ڈومیسٹک آپریشن کم کر دینے کی وجہ سے اندرون ملک پروازوں کی تعداد بہت کم رہ گئی تھی جبکہ ڈیمانڈ اینڈ سپلائی کے اصول کے تحت اندرون ملک فضائی کرایوں میں اس قدر اضافہ ہوگیا تھا کہ کراچی سے اسلام آباد اور لاہور کے کرائے یورپ کے شہروں سے بھی بڑھ گئے تھے۔ایئربلیو کے ترجمان کے مطابق دو نئے ایئربس اے 320 طیارے بیڑے میں شامل کئے گئے ہیں جو اندرون ملک پروازوں کیلئے استعمال ہوں گے۔ دوسری جانب وزیر اعظم عمران خان کی ہدایات کی روشنی میں سی اے اے نے مسافروں کے تمام سائز کے سفری بیگ پلاسٹک میں لپیٹنے کے نرخوں میں کمی کر دی اور بڑے بیگ پلاسٹک میں لپیٹنے کے نرخ چار سوروپے سے جبکہ چھوٹے بیگ کے نرخ دو سو روپے فی بیگ سے کم کر کے تمام سائز کے بیگز کیلئے یکساں طور پر پچاس روپے فی بیگ کر دیئے گئے۔ مذکورہ نرخ تمام ایئرپورٹس پر ڈومیسٹک اور انٹرنیشنل مسافروں پر لاگو ہونگے