07:15 am
عوام فون کالز پر بینک اکاؤنٹس کی تفصیلات نہ دیں:سٹیٹ بینک

عوام فون کالز پر بینک اکاؤنٹس کی تفصیلات نہ دیں:سٹیٹ بینک

07:15 am

اسلام آباد (نیوز ڈیسک )سٹیٹ بینک آف پاکستان نے عوام کو خبردار کیا ہے کہ وہ جعلسازی سے بچنے کیلئے فون کالز پر اپنے بینک اکاؤنٹس کی تفصیلات اور دیگر اہم ذاتی معلومات بتانے سے گریز کریں۔ سٹیٹ بینک کی جانب سے جاری بیان کے مطابق دھوکہ باز افراد بائیو میٹرک تصدیق کے بہانے بینک صارفین سے ان کے بینک اکاؤنٹ کی تفصیلات حاصل کر کے انہیں نقصان پہنچانے کی کوشش کر رہے ہیں۔دھوکے باز افراد اپنا فون نمبر بینکوں کی باضابطہ ہیلپ لائن یا رجسٹرڈ نمبروں کے پیچھے چھپا لیتے ہیں۔
فون کال وصول کرنے والے افراد سمجھتے ہیں کہ یہ کال حقیقی ہے یا ان کے بینک کی طرف سے ہے ۔ ایسی آنے والی کالز پر معلومات بتانے کے بجائے اپنے بینک کے رجسٹرڈ نمبروں / ہیلپ لائن پر فوراً خود رابطہ کریں۔

تازہ ترین خبریں