10:46 am
فکس ٹیکس نظام سے چھوٹے تاجروں کو ریلیف ملے گا، چیئرمین پاکستان اکانومی واچ

فکس ٹیکس نظام سے چھوٹے تاجروں کو ریلیف ملے گا، چیئرمین پاکستان اکانومی واچ

10:46 am

کراچی(این این آئی) پاکستان اکانومی واچ کے چیئرمین بریگیڈیئر محمد اسلم خان نے کہا ہے کہ چھوٹے تاجروں کے لئے فکسڈ ٹیکس متعارف کروانے سے انھیں ریلیف ملے گا ۔جی ڈی پی میں پرچون کے شعبہ کا حصہ بیس فیصد ہے جبکہ انکی جانب سے 0.25 فیصد ٹیکس ادا کیا جاتا ہے جو مذاق کے مترادف ہے۔پٹرول کی قیمت میں بہت زیادہ اضافہ کیا گیا ہے جس سے مہنگائی بہت بڑھ جائے گی اس لئے اسے واپس لینے پر غور کیا جائے۔ محمد اسلم خان نے یہاں جاری ہونے والے ایک بیان میں کہا کہ روٹی اور نان کی پرانی
 
قیمتوں کی بحالی کے فیصلے سے عوام کو ریلیف ملے گا۔گندم روٹی اور نان کی قیمت میں حالیہ اضافہ کا معاشی صورتحال سے کم اور منافع خوری سے زیادہ تعلق ہے۔ ملک کی غذائی ضروریات کے لئے 25.8 ملین ٹن گندم درکار ہے جبکہ سٹاک میں27.9 ملین ٹن گندم موجود ہے۔اکیس لاکھ ٹن اضافی گندم کی موجودگی میں قیمتوں میںاتنے زیادہ اضافہ کا کوئی جواز نہیں ہے۔انھوں نے مطالبہ کیا کہ ضلعی انتظامیہ کی جانب سے روٹی کی قیمت میں اضافے پر پابندی لگائے، گندم کی برامد پر پابندی برقرار رکھے، سمگلنگ کی حوصلہ شکنی کرے اور منافع کے لئے ملک بھر کے عوام کو غذائی قلت میں مبتلا کرنے والی فلور ملز مافیا اورذخیرہ اندوزوں کے خلاف سخت کروائی کرے۔

تازہ ترین خبریں