پیرس،فرانسیسی خاتون کا عاشق سے ملنے کیلئے اغوا کا ڈرامہ عدالت نے 6ماہ قید کی سزا سنادی
  10  ‬‮نومبر‬‮  2017     |     یورپ

پیرس(آئی این پی)فرانس میں ایک خاتون کو اپنے ہی اغوا ہونے کا ڈرامہ کرنے کے جرم میں عدالت نے چھ ماہ قید کی معطل سزا سنا دی ،اس خاتون کا یہ سب کرنے کا مقصد اپنے محبوب کے ساتھ وقت گزارنا تھا۔غیر ملکی میڈیا کے مطابق 25 سالہ سینڈی گائی لارڈ انتہائی دائیں بازو کی جماعت نیشنل فرنٹ کی ایک کارکن ہیں اور عدالتی کارروائی میں بتایا گیا کہ ان کے اغوا کے جعلی واقعے کے باعث ایک ہیلی کاپٹر سمیت 50 فوجی انھیں ڈھونڈنے کے لیے حرکت میں آ گئے تھے۔سینڈی گائی لارڈ پہلے ہی اپنے شوہر سے علیحدگی اختیار کر چکی ہیں اور اپنے بوئے فرینڈ کے ساتھ رہتی ہیں تاہم یہ منصوبہ انھوں نے ایک تیسرے شخص کے ساتھ وقت گزارنے کے لیے بنایا۔عدالت نے ان پر 5000 یورو کا جرمانہ عائد کیا اورانھیں ماہرِ نفسیات سے مدد حاصل کرنے کا

حکم دیا۔سینڈی گائی لارڈ کے بوائے فرینڈ نے جولائی میں پولیس کو اس وقت اطلاع دی جب سینڈی نے اپنے بوائے فرینڈ کو ایک ٹیکسٹ میسج بھیجا اور کہا کہ انھیں ایک کالی کار کی ڈگی میں بند کر کے کہیں لے جایا جا رہا ہے۔حکام نے ان کی تلاش 24 گھنٹوں تک جاری رکھی۔ تاہم ان کے بعد وہ خود ہی واپس منظر عام پر یہ کہتی ہوئی آگئیں کہ ان کے اغوا کاروں نے انھیں بس ایسے ہی جانے دیا۔ اس موقعے پر ان پر ذہنی دبا کے کوئی اثرات نہیں تھے۔بعد میں انھوں نے جب اپنی کہانی سنائی تو اس میں بھی متعدد بار تضاد پایا گیا جس کے بعد حکام کو شک ہوا کہ وہ چھوٹ بول رہی ہیں۔جب پولیس نے ان سے پوچھ گچھ شروع کر دی تو انھوں نے اعتراف کیا کہ یہ سارا ڈراما انھوں نے اپنے ایک اور محبوب کے ساتھ رومانوی ویک اینڈ گزارنے کے لیے کیا۔انھوں نے عدالت کو بتایا کہ ان کے نئے ساتھی اس ڈرامے میں ملوث نہیں تھے۔


اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
 


 سب سے زیادہ پڑھی جانے والی مقبول خبریں





  اوصاف سپیشل

آج کا مکمل اخبار پڑھیں

  قائد اعظم محمد علی جناح  
  اسکندر مرزا  
  لیاقت علی خان  
  ایوب خان  
آج کا مکمل اخبار پڑھیں

کار ٹونز


یورپ

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved