عارف کسانہ کی سویڈن میں قائمقام سفیریواے ای سے ملاقات
  10  ‬‮نومبر‬‮  2017     |     یورپ

سٹاک ہوم (نمائندہ خصوصی) مصنف اور کالم نگارعارف محمود کسانہ نے سویڈ ن میں متحدہ عرب امارات کے قائم مقام سفیر محمد بن جاسم بن خلفان سے ملاقات کی اور اسلامی معلومات پر مبنی بچوں کے لئے اپنی کتاب، دلچسپ اور معلوماتی کہانیوں کا انگریزی اور عربی ایڈیشن پیش کیا۔ متحدہ عرب امارات کے قائم مقام سفیر محمد بن جاسم بن خلفان نے عارف کسانہ کی اس کوشش کو بہت سراہا اور کہا کہ وہ ان کے کام اور جذبہ سے بہت متاثر ہیں ۔ انہوں نے کہا کہ یہ بہت خوشی کی بات ہے کہ یہ کتاب اب تک پانچ زبانوں میں شائع ہوچکی ہے اور مزید زبانوں میں ترجمہ کرنے کا کام جاری ہے ۔ انہوں نے کتاب کے مندرجات میں بہت دلچسپی ظاہر کی اور کہا کہ وہ پہلی فرصت میں اس کا مطالعہ کریں گے۔ انہوں نے اس کتاب کا پرتگالی زبان میں ترجمہ کرنے کی خواہش کا اظہار کیا جس پر انہیں عبور حاصل ہے ۔ سٹاک ہوم میںمتحدہ عرب امارات کے سفارت خانہ میں ہونے والی اس ملاقات میں دیگر امور پر بھی گفتگو ہوئی۔واضح رہے کہ بچوں کے لئے یہ کتاب نیشنل بک فائونڈیشن اسلام آباد نے اردو میں شائع کی تھی جس کا انگریزی میں ترجمہ سویڈن میں پاکستان کے سابق سفیر جناب طارق ضمیر کی اہلیہ نے کیا تھا جبکہ عربی ترجمہ مشرق وسطیٰ کی ایک یونیورسٹی کے دو پروفیسروں نے کیا ہے علاوہ ازیں یہ کتاب ہندی اور نارویجین میں بھی شائع ہوچکی ہے اور ایمزون پر دستیاب ہے۔


اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
 


 سب سے زیادہ پڑھی جانے والی مقبول خبریں





  اوصاف سپیشل

آج کا مکمل اخبار پڑھیں

  قائد اعظم محمد علی جناح  
  اسکندر مرزا  
  لیاقت علی خان  
  ایوب خان  
آج کا مکمل اخبار پڑھیں

کار ٹونز


یورپ

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved