اتوار‬‮   21   جنوری‬‮   2018
میں امریکہ کے عدالتی نظام پر اعتبار نہیں کرتا،طیب اردگان
  11  جنوری‬‮  2018     |     یورپ

انقرہ (آئی این پی)ترک صدر رجب طیب اردگان نے کہا ہے کہ میں امریکہ کے عدالتی نظام پر اعتبار نہیں کرتا۔غیر ملکی میڈیا کے مطابق طیب اردگان نے بیش تیپے کے ملت کنونشن سینٹر میں منعقدہ انصاف شوری میں شرکت کی اور شوری سے خطاب میں انصاف کے پہلو پر زور دیتے ہوئے کہا کہ ہمارا دین ہم پر جو ذمہ داریاں عائد کرتا ہے ان میں سے اہم ترین ذمہ داری منصفانہ رویہ اختیار کرنے کی ہے۔مغربی ممالک میں آزادیوں اور جمہوریت کی تلاش کے پس پردہ متحرک عنصر کے اصل میں انصاف کی تلاش ہونے کا ذکر کرتے ہوئے صدر اردگان نے کہا کہ ہم دیکھتے ہیں کہ ترک تاریخ میں بھی ان حکمرانوں کو اچھے الفاظ میں یاد کیا گیا ہے کہ جو منصف اور عادل تھے۔ سلجوقی اور عثمانی دور میں عدل و انصاف کے ادارے اپنے ہم عصر اداروں سے کہیں زیادہ ترقی یافتہ تھے۔انہوں نے کہا کہ ایک وسیع جغرافیے میں 600 سالہ عثمانی حکومت کے دور میں اگر آج ہمیں کوئی چھوٹی سی بھی قابل شرمندگی اور منفی چیز نہیں ملتی تو اس کا واحد سبب یہ تھا کہ حکومتی نظام عدل و انصاف کے ساتھ چلایا جاتا تھا۔صدر اردگان نے کہا کہ ماضی میں عثمانی حکومت میں شامل جغرافیاوں میں آج جو ظلم و ستم ، قتل عام اور انسانیت سوز جرائم ہو رہے ہیں وہ سب ناانصافی کی پیداوار ہیں۔15 جولائی 2016 میں ترکی میں بغاوت کے خونی اقدام میں ملوث فیتو دہشت گرد تنظیم کے سرغنہ کے امریکی حمایت میں ہونے پر زور دیتے ہوئے صدر اردگان نے کہا کہ جب ہم امریکہ میں پلنے والے اس دہشتگرد کا مطالبہ کرتے ہیں تو امریکہ اسے ہمارے حوالے نہیں کرتا لیکن جب امریکہ نے ہم سے 12 دہشت گردوں کا مطالبہ کیا تو ہم نے

انہیں اس کے حوالے کر دیا۔ فیتو دہشتگرد تنظیم سے متعلق 4 ہزار0 50 کلو دستاویزات امریکہ بھیجی گئیں لیکن ان کی نگاہ میں قانون کا ذرہ برابر احترام نہیں ہے۔امریکہ میں ترکی کے خلاف سیاسی چال کے طور پر استعمال کئے جانے والے نام نہاد پابندیوں کے دعوے کا جائزہ لیتے ہوئے صدر اردگان نے کہا کہ امریکی حکام اپنے سیاسی فیصلوں کے ساتھ ترکی کو چلنج کرنے کے رجحان کی طرف بڑھ رہے ہیں۔ میں امریکہ کے اس نوعیت کے نام نہاد پابندیوں کے دعوے سے متعلق فیصلوں کا نہ تو احترام کرتا ہوں اور نہ ہی ان پر اعتبار کرتا ہوں۔دہشتگرد تنظیموں کے لئے امریکہ اور مغرب کے طرز عمل پر تنقید کرتے ہوئے صدر اردگان نے کہا کہ صرف اپنے لئے جمہوریت، آزادیوں ، قانون اور خوشحالی کی خواہش رکھنے والوں لیکن جب بات دوسروں کی ہو تو سب سے بڑے فاشسٹ، ڈکٹیٹر اور استحصالی بن جانے والوں کا انجام قریب آ رہا ہے۔ یہ دنیا اتنی زیادہ نا انصافی اتنے زیادہ ظلم کی متحمل نہیں ہو سکتی۔


اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
 


 سب سے زیادہ پڑھی جانے والی مقبول خبریں





  اوصاف سپیشل

آج کا مکمل اخبار پڑھیں

  قائد اعظم محمد علی جناح  
  اسکندر مرزا  
  لیاقت علی خان  
  ایوب خان  
آج کا مکمل اخبار پڑھیں

کار ٹونز


یورپ

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved