تفصیلات کے مطابق لندن کے ہیتھرو ایئرپورٹ سے پی آئی اے کی پروازجو کہ لندن سے اسلام آباد آ رہی تھی، میدان جنگ بن گئی۔ قومی ایئر لائن کی پرواز پی کے 786 کے اُڑان بھرنے سے پہلے دو مسافرایک دوسرے سے لڑ پڑے اور بات اس حد تک آ گئی کہ دونوں میں ہلڑ بازی شروع ہو گئی۔ موقع پر دونوں مسافروں کے خلاف سخت ایکشن لیا گیا اور انہیں لندن ائیرپورٹ پر ہی پولیس کے حوالے کر دیا گیا۔ذرائع کے مطابق کپتان نے کنٹرول ٹاور سے پولیس کو خبر دے دی تھی۔ تاہم پولیس نے وقت پر پہنچ کر دونوں مسافروں کو جہاز سے گرفتار کر لیا۔ یہی وجہ تھی کہ یہ پرواز ایک گھنٹہ تاخیر کا شکار ہوئی اور مسافروں کو ایک گھنٹے کا انتظار کرنا پڑا۔ پی آئی اے چونکہ آج کل ویسے ہی بحران کا شکار ہے، اس کے صارفین اس سے کچھ خاص خوش نہیں ہے۔ انہیں تقریباََ ہر باز پرواز کی تاخیر کا شکار ہوتا ہے ، تاخیر بھی کچھ دیر کی نہیں، اکثر 6 یا اس سے بھی زیادہ دیر کی۔یاد رہے کہ تصادم کے وقت دونوں مسافر نشے کی حالت میں تھے اور اسی حالت میں وہ سفر کرنے والے تھے۔ لہذا پی آئی نے اس پر مکمل طور پر ایکشن لیتے ہوئے دونوں مسافروں کو بلیک لسٹ کر دیا ہے اور اس بات کو یقینی بنانے کا فیصلہ کیا ہے کہ آئندہ ان کی کسی پرواز میں اس طرح کا کوئی مسئلہ درپیش نہ آئے۔واضح رہے کہ چند روز قبل سعودی عرب سے پاکستان آنے والا پی آئی اے کا مسافر طیارہ لاہور ائیرپورٹ پر اترتے ہوئے توازن کھو بیٹھا، طیارے کے لاہور ایئر پورٹ پر اترتے ہی انجن سے کوئی چیز ٹکرائی جس سے اس کا توازن بگڑ گیا، کپتان نے مہارت اور پھرتی کا مظاہرہ کرتے ہوئے طیارے کوایک انجن کی مدد سے بورڈنگ برج پر پارک کیا۔تفصیلات کے مطابق سعودی عرب سے پاکستان آنے والا پی آئی اے کا مسافر طیارہ تباہ ہونے سے بال بال بچ گیا۔بتایا گیا ہے کہ جدہ سے لاہورآنے والی پی آئی اے کے طیارے سے دوران لینڈنگ انجن سے کچھ ٹکرا گیا جس باعث ایک انجن کام کرنا چھوڑ گیا۔ تاہم اس دوران طیارے کے کپتان نے مہارت اور پھرتی کا مظاہرہ کرتے ہوئے طیارے کوایک انجن کی مدد سے بورڈنگ برج پر پارک کیا۔بعد ازاں طیارے کو عارضی طور پر گراوٴنڈ کردیا گیا۔ طیارے کی مرمت ہوتے ہی پرواز کو جدہ کیلئے روانہ کردیا جائے گا۔ جبکہ طیارے کو پیش آنے والے حادثے سے متعلق تحقیقات کی جارہی ہیں کہ آیا کسی پرندے کے ٹکرانے سے ہوا یا کسی اور وجہ سے۔ دوسری جانب بتایا گیا ہے کہ ملک بھر کے مختلف ایئرپورٹس کے اطراف صفائی ستھرائی کے ناقص انتظامات کے باعث گندگی پر منڈلانے والے پرندے جہازوں سے ٹکرانے کی وجہ بنے اور ملکی اور غیر ملکی ائیرلائن کے طیاروں کو نقصان پہنچا۔


<iframe width="560" height="315" src="https://www.youtube.com/embed/4oERei5PgYM" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>