05:19 pm
گلگت میں ماڈل نرسری بنائی جائے گی:سیکرٹری جنگلات

گلگت میں ماڈل نرسری بنائی جائے گی:سیکرٹری جنگلات

05:19 pm

گلگت(اوصاف نیوز) پاک ارمی اور محکمہ جنگلات ملکر گلگت بلتستان میں شجر کاری کے لئے کام کرینگے قدرتی جنگلات سمیت سوشل فارسٹ کو بڑھایا جائے گا جبکہ گلگت میں ماڈل نرسری بھی بنائی جائے گی سیکریٹری جنگلات اصف اللہ خان نے بریگیڈئر بشارت حسین سے ملاقات کے بعد میڈیا سے گفتگو کرتے ہوئے کہا انھوں نے کہا کہ گلگت بلتستان میں قدرتی ماحول کو بچانے اور ماحولیاتی الوددی پر قابو پانے کے لئے گرین پاکستان منصوبے کے تحت پاک فوج کے ساتھ ملکر کام کرینگے
انھوں نے کہا کہ اس حوالے سے پاک ارمی کے تمام سنٹرز سمیت بارڈر ایریاز میں اس سال بھرپور شجر کاری کی جائے گی انھوں نے کہا کہ ارمی کے ساتھ ملکر ایک ایسی ماڈل نرسری بنائی جائے گی جہاں سے مستقبل قریب میں گلگت بلتستان کی ضروریات کو پورا کیا جائے گا جس کے لئے منصوبہ بنارہے ہیں ایک سوال کے جواب میں انھوں نے کہا کہ سونامی بلین ٹری منصوبے کے تحت گلگت بلتستان کو ایک روپیہ بھی ابھی تک نہیں ملا ہے اس وقت بھی ہم جو شجر کاری کررہے ہیں وہ صوبائی بجٹ سے کررہے ہیں انھوں نے اس بیان کی تردید کرتے ہوئے کہا کہ گزشتہ سال 25کروڈ کے درخت منگوائے گئے گزشتہ سال پونے چار کروڈ کے درخت ہم نے اپنے بجٹ سے لگائے ہیں اور اس منصوبے کی مانیٹرنگ ڈبیلو ڈبیلو ایف کررہا تھا اور گزشتہ سال کے شجر کاری میں ہمارے 60فیصد شجرکاری کامیاب رہی اور وہ پودے ابھی تک زندہ ہے ایک سوال کے جواب میں انھوں نے کہا کہ کچھ لوگ اپنے ذاتی مفادات کے لئے محکمہ جنگلات اور شجرکاری کے خلاف جھوٹ پر مبنی خبریں پھیلا رہے ہیں جن کا حقیقت سے کوئی واسطہ نہیں ہے۔سونامی بلین ٹری کے مد میں ائندہ سال سے ہمیں بجٹ ملے گا جس کے بعد ہی ہم ائندہ سال کے لئے منصوبہ بندی کرینگے۔

تازہ ترین خبریں