05:58 pm
وزیراعلیٰ کادورہ دیامر،وزراء حاجی جانباز،حیدرخان،ثوبیہ مقدم غائب(ناچاقی کاپول کھل گیا)

وزیراعلیٰ کادورہ دیامر،وزراء حاجی جانباز،حیدرخان،ثوبیہ مقدم غائب(ناچاقی کاپول کھل گیا)

05:58 pm

چلاس(محمدقاسم)وزیر اعلی گلگت بلتستان کا دو روزہ دیامر کے موقع پہ دیامر کے تین اہم وزراء کی عدم شرکت سے مسلم لیگ گلگت بلتستان کے اندرون خانہ ناچاقی اور نا اتفاقی کا پول کھل گیا۔ گلگت بلتستان کے سینئر لیگی رہنما اور دیامر کے تین اہم وزراء وزیر خوراک حاجی جانباز خان وزیر ایکسائز اینڈ ٹیکسیشن حاجی حیدر خان اور وزیر امور نوجوانان ثوبیہ جبیں مقدم کے بارے میں مختلف افواہیں گردش کر رہی ہیں۔
بعض ذرائع کے مطابق ملک بھر کی بدلتی ہوئی سیاسی صورت حال کے مطابق ناراض وزراء اپنا سیاسی قبلہ بدلنے کی بھی خبریں گردش کر رہی ہیں۔ جب کہ وزیر اعلی گلگت بلتستان کے خلاف تحریک عدم اعتماد لانے کے بارے میں مختلف افواہیں دن بدن پھلتی جا رہی ہیں۔جس میں دیامر کے ممبران اسمبلی کا کردار نہائت اہمت اور کلیدی کردار کا حامل ہے۔وزیر اعلی گلگت بلتستان حافظ حفیظ الرحمن کا دو روزہ دورہ دیامر میں ان کے ہمراہ نہ آنے سے سیاسی اور عوامی حلقوں میں بہت سی چہ مگوئیاں جنم لے رہی ہیں وزیر اعلی گلگت بلتستان حافظ حفیظ الرحمن نے پولو میج کے اختتامی تقریب میں نام لیے بغیر سخت تنقید کا نشانہ بناتے ہوئے کہا جو لوگ ہم پہ الزام لگا رہے تھے کہ چپڑاسی بھرتی نہ کرنے کے تعنے دینے والا سن لو نآج ہم نئے اضلاع کا علان کر رہے ہیں۔ ہم جھوٹے اعلانات پہ یقین نہیں رکھتے۔منافقت کی سیاست ختم کریں اور ہر چیز میں ٹانگ اڑانے کی روش ترک کر دیںب۔صورت حال اس وقت دلچسپ بن گئی کہ جب وزیر اعلی گلگت بلتستان حافظ حفیظ الرحمن کے خطاب کے دوران وزیر ایکسائز اینڈ ٹیکسیشن گلگت بلتستان حاجی حیدر خان کا سیاسی حریف سابق رکن اسمبلی رحمت خالق نے داریل اور تانگیر کو دو الگ الگ اضلاع بنانے کے اعلان پہ وزیر اعلی گلگت بلتستان کے ہار ڈال دیئے اور ویر اعلی گلگت بلتستاں کو داریل کا دورہ کی دعوت دی۔۔سی ایم کا دو روزہ دورہ دیامر کے موقع پہ ان کے ہمراہ وزیر قانون اورنگزیب ایڈوکیٹ وزیر جنگلات عمران وکیل وزیر بلدیات فرمان علی مشیر اطلاعات شمس میر کے علاوہ گکگت بلتستان مسلم لیگ کے سینئر عہدیداروں موجود ہیں۔

تازہ ترین خبریں