05:18 pm
ہنزل پراجیکٹ کی تعمیرمیں تاخیری حربے،ایکشن کمیٹی کااحتجاجی تحریک چلانے کااعلان

ہنزل پراجیکٹ کی تعمیرمیں تاخیری حربے،ایکشن کمیٹی کااحتجاجی تحریک چلانے کااعلان

05:18 pm

گلگت ( نمائندہ خصوصی ) عوامی ایکشن کمیٹی نے ہینزل پاور منصوبے کی تعمیر پر تاخیری حربوں کے خلاف احتجاجی تحریک چلانے کا اعلان کر دیا ، اس بار کی احتجاجی تحریک گزشتہ کے احتجاجوں سے یکسر مختلف ہوگی ، مولانا سلطان رئیس کی اوصاف سے گفتگو ۔ عوامی ایکشن کمیٹی کے چیئرمین مولانا سلطان رئیس نے کہا ہے کہ ہینزل پاور منصوبے کی تعمیر پر صوبائی حکومت اور متعلقہ محکمہ کی نا اہلی کا نتیجہ ہے حکومت حیلے بہانوں سے بری الزمہ ہونے کی کوشش کررہی ہے
، سمارٹ میٹرز کی تنصیب کے ڈرامے کو ختم کرتے ہوئے ٹینڈر کو فوری طور پر واپس لیا جائے جسکام میں حکومت اور بیوروکریسی کو کمیشن نظر آتی ہے اسے کرنے میں ذرا بھی دیر نہیں لگاتے جبکہ عوامی منصوبوں کو حیلے بہانوں سے ٹرخایا جا رہا ہے انہوں نے کہا کہ ہینزل پاور منصوبے کی تعمیر کیلئے چائینہ کمپنی کی میرٹ پر آجانے کے بعد ایف ڈبلیو او کی بے جا مداخلت اور صوبائی حکومت کی بے حسی انتہائی افسوسناک ہے ۔ انہوں نے کہا کہ اگر رمضان سے قبل ہینزل پاور منصوبے پر کام شروع نہیں کیا گیا تو ایسی تحریک کا آغاز کرینگے جو سابقہ تحریکوں سے مختلف ہوگی ، انہوں نے صوبائی حکومت کو منتبہ کرتے ہوئے کہا کہ وہ سنجیدگی کا مظاہرہ کریں اور ٹینڈر کو ری اوپن ہونے نہ دیں اگر ایسی کوئی سازش کی گئی تو شدید رد عمل آئییگا ، انہوں نے ہینزل پاور منصوبے کے حوالے سے بننے والی کمیٹی کو بھی آڑے ہاتھوں لیتے ہوئے کہا کہ متعلقہ کمیٹی نے انتہائی کمزوری کا مظاہرہ کیا ہے جسکے بارے عوام کو جواب دینا ہوگا ۔ انہوں نے کہا کہ گلگت بلتستان میں بجلی نام کوئی فیز موجود نہیں ہے جبکہ حکمران سمارٹ میٹرز کے نام پر اپنے چہیتوں کو نوازنے کیلئے قومی خزانے پر ہاتھ صاف کرنے کی کوشش کررہے ہیں ۔ انہوں نے کہ اکہ جب تک عوام کو بجلی کی ضرورت پوری نہیں کی جاتی تب تک اس قسم کے منصوبوں سے دور رہا جائے ، ٹھیکیدار برادری بھی صرف ذاتی مفاد کو مد نظر نہ رکھیں بلکہ عوامی مفادات کا بھی خیال رکھیں اور ایسے ٹھیکوں سے دور رہے ۔

تازہ ترین خبریں