05:06 pm
امتحانی فیسوں میں اضافہ طلباکے پائوں پرکلہاڑی چلانے کے مترادف ہے(رحمن دریلو)

امتحانی فیسوں میں اضافہ طلباکے پائوں پرکلہاڑی چلانے کے مترادف ہے(رحمن دریلو)

05:06 pm

گلگت ( اوصاف نیوز ) انصاف سٹوڈنٹس فیڈریشن گلگت بلتستان کے صدر رحمن دریلو نے اوصاف سے گفتگو کرتے ہوئے کہا ہے کہ قراقرم یونیورسٹی انتظامیہ کی جانب سے جماعت دہم سے لیکر ایم اے تک امتحانی فیسوں میں جارحانہ اضافہ اپنے ہی مستقبل کے معماروں کے پائوں پر کلہاڑی چلانے کے مترادف ہے ، قراقرم یونیورسٹی انتظامیہ تعلیم دوست پالیسیاں بنا کر ہر غریب سے غریب تر طالب علم کو تعلیم کی سہولیات میسر کرنے کے بجائے تعلیم دشمن پالیسیاں
بنا کر طلباء و طالبات کے ساتھ انصاف کا خون کررہی ہیں جو ہر گز برداشت نہیں ہونگے ، فیسوں میں بے پناہ اضافے کی شدید مذمت کرتے ہیں اور یونیورسٹی انتطامیہ کو کبردار کرتے ہیں ہ امتحانی فیسوں میں اضافے کا فیصلہ فی الفور واپس لا جائے اور طلباء قوم کے مستقبل کے معمار ہیں انکے کاندھوں پر بھاری فیسوں کا بوجھ ڈال کر کس کی خوشنودی حاصل کی جا رہی ہے ۔ انہوں نے مزید کہا کہ یونیورسٹی انتظامیہ کے خلاف طلباء کا احتجاج کرکے روڑوں پر نکلنا یونیورسٹی انتظامیہ سے طلباء و طالبات کا اعتماد اٹھ جانے کے مترادف ہے جو اخلاقی قانونی لحاظ سے بھی درست اقدام نہیں ہے ، یونیورسٹی انتظامیہ کو چاہئے تھا کہ یونیورسٹی کے قیام کا بنیادی مقصد کو سامنے رکھتے ہوئے تعلیم کو عام کرکے ہر شہری کو تعلیم کے حصول کو ممکن بنایا جاتا تو قوم اور ملک کے دونوں کے مستقبل کیلئے ہم پیش رفت ہو سکتی تھی اگر یونیورسٹی انتظامیہ نے امتحانی فیسوں میں اضافے کے فیصلے کو واپس نہیں لیا تو پورے گلگت بلتستان کے طلباء و طالبات کے ساتھ احتجاج کرنے پر مجبور ہونگے لہذا کے آئی انتظامیہ جلد از جلد اپنی امتحانی فیسوں میں اضافے کی پالیسی کو واپس لیکر علم دوستی کا ثبوت دے ۔

تازہ ترین خبریں