05:25 pm
گورنرکے قافلے کی آمد،کے آئی یوکے طلباکوآدھاگھنٹاروکاگیا

گورنرکے قافلے کی آمد،کے آئی یوکے طلباکوآدھاگھنٹاروکاگیا

05:25 pm

گلگت ( بیورو رپورٹ) پروٹوکول ختم کرنے کی دعویدار تبدیلی سرکار کے دعوے جھوٹے ثابت ہو گئے ، منگل کے روز گورنر گلگت بلتستان راجہ جلال حسین مقپون کے قافلے کی آمد کے موقع پر قراقرم انٹر نیشنل یونیورسٹی کے طلباء و طالبات اور ٹریفک کو تقریباً آدھا گھنٹے تک ٹریفک پولیس نے روکے رکھا ، منگل کے روز دوپہر کے وقت گورنر گلگت بلتستان کا کئی گاڑیوں پر مشتمل قافلہ دنیور سے براستہ یونیورسٹی روڈ گلگت آرہا تھا
جس کے پیش نظر گلوب چوک نزد قراقرم یونیورسٹی میں پہلے سے ہی ٹریفک پولیس کو تعینات کیا گیا ، اس موقع پر آمد سے قبل ہی ٹریفک پولیس چوکس ہو گئی اور یونیورسٹی روڈ پر ٹریفک گاڑیوں کو کھڑے ہونے سے منع کرتے رہے جبکہ گورنر کے قافلے کی آمد کے موقع پر یونیورسٹی کے طلبہ سمیت ٹریفک کو ایک طرف سے روکے رکھا اس موقع پر شہریوں نے افسوس کا اظہار کرتے ہوئے کہا کہ جس پروٹوکول کے خاتمے کا دعویٰ کرکے تحریک انصاف کو وفاق میں حکومت ملی ہے اسی کی عملی تصویر گورنر گلگت بلتستان بنے ہوئے ہیں ۔

تازہ ترین خبریں