05:37 pm
چیف سیکرٹری سے کنٹریکٹرزایسوسی ایشن کے وفدکی ملاقات،مسائل سے آگاہ کیا

چیف سیکرٹری سے کنٹریکٹرزایسوسی ایشن کے وفدکی ملاقات،مسائل سے آگاہ کیا

05:37 pm

گلگت ( اوصاف نیوز ) کنٹریکٹرز ایسوسی ایشن گلگت بلتستان کے وفد نے چیف سیکریٹری گلگت بلتستان سے ملاقات کی وفد کی قیادت کنٹریکٹرز ایسوسی ایشن گلگت بلتستان کے صدر فردوس احمد نے کی ، صوبائی جنرل سیکریٹری مرتضیٰ علی بھی نمائندہ وفد میں شامل تھے نمائندہ وفد کی چیف سیکریٹری سے ملاقات انتہائی خوشگوار ماحول میں ہوئی ، وفد نے چیف سیکرٹری کو علاقے کے کے ٹھیکیداروں کو درپیش مسائل سے آگاہ کیا
، وفد نے محکمہ ورکس اور محکمہ برقیات میں یکساں ٹینڈر پالیسی نہ ہونے کی وجہ سے درپیش سے بھی آگاہ کیا ، یکساں ٹینڈر پالیسی نہ ہونے کی وجہ سے کرپشن کے امکانات بڑھ جاتے ہیں جس کا سب سے بڑا نقصان ادارے کا ہوتا ہے جس پر چیف سیکریٹری نے وفد کے ساتھ اتفاق کرتے ہوئے یقین دلایا کہ یکساں ٹینڈر پالیسی کو فی الفور نافذ العمل کیا جائیگا ۔ وفد نے فلڈ اور غیر ترقیاتی سکیموں کے واجب الادا 54فیصد بقایہ جات کی ادائیگی کی گزارش کی جس پر چیف سیکریٹری نے فنانس سیکریٹری کے گلگت آمد کے بعد ریلیز کرنے کی یقین دہانی کرائی ۔ وفد نے گلگت بلتستان کے اداروں میں انتہائی مناسب اور کم ریٹس کے بابت چیف سیکریٹری کو آگاہ کیا ، چیف سیکریٹری نے وفد کے ساتھ اتفاق کرتے ہوئے کہا کہ اس میں کوئی شک ، شبہ نہیں کہ یہاں کے ریٹس انتہائی نا مناسب ہیں اور یقین دلایا کہ بہت جلد بہتر ریٹس کا تعین کیا جائیگا ۔ وفد نے کہا کہ بڑے پراجیکٹس کے ٹینڈرنگ پراسیس میں سی ایم آئی ٹی ، محکمہ پلاننگ ، محکمہ فنانس ، تعمیرات عامہ اور محکمہ برقیات کے نمائندوں پر مشتمل کمیٹی تشکیل دینے پر زور دیا تاکہ شفافیت کا عنصر قائم رہ سکے ۔ چیف سیکریٹری نے یقین دلایا کہ آئندہ مذکوہر تمام اداروں کے نمائندوں پر مشتمل کمیٹی کے زیر نگرانی ٹینڈرز کا عمل کو مکمل کیا جائیگا ۔ آخر میں صوبائی صدر فردوس احمد ، جنرل سیکریٹری مرتضیٰ علی سمیت نمائندہ وفد نے چیف سیکریٹری کا بھر پور تعاون پر شکریہ ادا کیا ۔

تازہ ترین خبریں