05:49 pm
معروف کوہ پیماثمینہ بیگ کووزیراعظم پاکستان کی مشیریاسفیربرائے سیاحت مقررکرنیکافیصلہ

معروف کوہ پیماثمینہ بیگ کووزیراعظم پاکستان کی مشیریاسفیربرائے سیاحت مقررکرنیکافیصلہ

05:49 pm

گلگت( بیورورپورٹ) گلگت بلتستان کی معروف کوہ پیماء ثمینہ بیگ کی پاکستان تحریک انصاف کے چیف آرگنائزر سیف اللہ نیازی سے ملاقات، ثمینہ بیگ کو وزیراعظم پاکستان کی مشیر یا سفیر برائے سیاحت مقررکرنے کا فیصلہ، ثمینہ بیگ آئندہ چندروز میں وزیراعظم پاکستان سے ملاقات کرکے باقاعدہ تحریک انصاف میں شمولیت اختیار کریں گی۔انتہائی معتبر ذرائع سے معلوم ہوا ہے کہ معروف کوہ پیماثمینہ بیگ نے اسلام آباد میں پاکستان تحریک انصاف کے چیف آرگنائزر سیف اللہ نیازی سے ملاقات کی
، ملاقات میں ملک میں سیاحت کو فروغ دینے اور بین الاقوامی سیاحوں کو راغب کرنے کے علاوہ تحریک انصاف کی فعالیت اور تنظیم نو پر بھی گفت و شنید ہوئی ۔ ذرائع کے مطابق ملاقات میں طے کیا گیا ہے کہ ثمینہ بیگ کو ان کی خدمات کی بنیاد پر وزیراعظم پاکستان کی مشیر یا سفیر برائے سیاحت مقرر کردیا جائیگا تاہم اس بات کا حتمی فیصلہ آئندہ چندروز میں وزیراعظم پاکستان سے ملاقات میں کیا جائیگا۔ ملاقات میں چیف آرگنائزر پی ٹی آئی سیف اللہ نیازی نے ثمینہ بیگ کی خدمات کو سراہا ۔ ملاقات میں پاکستان تحریک انصاف گلگت بلتستان کے قائمقام صدر شاہ ناصر بھی موجود تھے۔ اس حوالے سے شاہ ناصر سے رابطہ کیا گیا تو انہوں نے بتایا کہ ثمینہ بیگ کوہ پیمائی میں عالمی دنیا میں ایک نام ہے ، حکومتی سطح پر ان کی خدمات لئے جانے سے بین الاقوامی دنیا میں پاکستان کا مثبت امیج اور تشخص سامنے آسکتا ہے۔ ثمینہ بیگ کی سیاحت کے فروغ میں کردار کسی سے ڈھکاچھپا نہیں ہے ۔

تازہ ترین خبریں