05:32 pm
مسلمان متحدہوکراسلامی تعلیمات کے مطابق آگے بڑھیں،سیرت النبیؐکانفرنس

مسلمان متحدہوکراسلامی تعلیمات کے مطابق آگے بڑھیں،سیرت النبیؐکانفرنس

05:32 pm

لاہور(اوصاف نیوز) شیعہ امامی اسماعیلی کونسل اور اسماعیلی طریقہ اینڈ ریلیجیس ایجوکیشن بورڈ برائے سنٹرل ریجن کے زیراہتمام یہاں ایک مقامی ہوٹل میں سیرت النبیؐ کانفرنس کا انعقاد کیا گیا۔پنجاب کے صوبائی وزیراوقاف ومذہبی امور سیدسعیدالحسن شاہ کانفرنس کے مہمان خصوصی تھے جبکہ دیگرمہمانان میں جی سی یونیورسٹی لاہور کے وائس چانسلرپروفیسر ڈاکٹرحسن عامرشاہ، اسماعیلی طریقہ اینڈ ریلیجیس ایجوکیشن بورڈ برائے
پاکستان کے آنریری سکریٹری عزیزکبانی، ہزہائنس آغاخان شیعہ امامی اسماعیلی کونسل برائے سنٹرل ریجن کے صدر طارق محمود شیخ،چیئرمین اسماعیلی طریقہ اینڈ ریلیجیس ایجوکیشن بورڈ برائے سنٹرل ریجن عامرعلی شیرعلی سمیت ممتاز عالم دین ڈاکٹرخالدظہیر،سیدثاقب اکبر،کریم امان ودیگر شامل تھے۔ کانفرنس سے خطاب کرتے ہوئے مقررین نے نبی آخرالزمان حضرت محمدمصطفیﷺ کی ذاتِ اقدس اوراسلامی تعلیمات پر تفصیل سے روشنی ڈالی۔ انہوں نے دین اسلام کی تعلیمات کی روشنی میں مسلمانوں کے مابین اتحاد واتفاق اور اجتماعی سوچ کو فروغ دینے اور ایک تکثیری معاشرے کے قیام کے لئے کردار ادا کرنے پر زور دیا۔مقررین نے حضورپاکؐ کی زندگی کو مسلمانوں کے لئے مشعل راہ قرار دیتے ہوئے دورجدیدمیں اسلامی تعلیمات کی افادیت اور معاشرے میں اتحاد ویگانگت کی فضاء قائم کرنے کے لئے اجتماعی کردار ادا کرنے پر بھی زور دیا۔ کانفرنس میں اراکین پارلیمنٹ، جیدعلمائ، تاجربرادری،سرکاری افسران اور مختلف شعبہ ہائے زندگی سے تعلق رکھنے والے افراد نے کثیرتعداد میں شرکت کی اور مسلمانوں کے مابین بین المسالکی ہم آہنگی کے فروغ دینے کے سلسلے میں اسماعیلی طریقہ اینڈ ریلیجیس ایجوکیشن بورڈکے کردار کو شاندارالفاظ میں سراہا

تازہ ترین خبریں