05:59 pm
گلگت بلتستان عمران خان کی ترجیحات میں شامل ہی نہیں،بلاول بھٹو

گلگت بلتستان عمران خان کی ترجیحات میں شامل ہی نہیں،بلاول بھٹو

05:59 pm

اسلام آباد (اوصاف نیوز) پاکستان پیپلزپارٹی کے چیئرمین بلاول بھٹو زرداری کی زیر صدارت پاکستان پیپلزپارٹی کے مرکزی اور صوبائی سکریٹری اطلاعات کی ایک اہم مشترکہ میٹنگ ہوئی جس میں پیپلزپارٹی کے مرکزی سکریٹری اطلاعات،چاروں صوبائی سکریٹری اطلاعات اور گلگت بلتستان کی صوبائی سکریٹری اطلاعات سعدیہ دانش نے شرکت کی۔میٹنگ میں موجودہ ملکی صورتحال پر غور کیا گیا۔
پاکستان پیپلزپارٹی کے چیئرمین بلاول بھٹو نے کہا کہ موجودہ حکومت مکمل طور پر ناکام ہوچکی ہے۔وزیراعظم کو ابھی تک سمجھ میں نہیں آرہا ہے کہ ملک کو کیسے چلانا ہے۔بہت جلد کٹھ پتلی وزیراعظم کو معلوم ہوجائے گا کہ باتیں کرنا آسان اور ملک چلانا بہت مشکل کام ہے۔بلاول بھٹو نے کہا کہ مرکز سمیت تمام صوبوں میں موجودہ حکومت کو ٹف ٹائم دیا جائے گا۔کنٹینر پر تماشا لگانے والوں کو ملکی معیشت اور خارجہ پالیسی کی الف ب کا بھی معلوم نہیں ہے۔میٹنگ میں گلگت بلتستان سمیت چاروں صوبوں کے شعبہ اطلاعات کی کارکردگی کو تسلی بخش قرار دیتے ہوئے کہا گیا کہ شعبہ اطلاعات جس طرح پارٹی منشور عوام تک پہنچا رہا ہے اور حکومتی ناکامیوں کو طشت از بام کر رہا ہے وہ قابلِ فخر ہے۔گلگت بلتستان عمران خان کی ترجیحات میں ہی شامل نہیں ہے۔پیپلزپارٹی نے جس طرح گلگت بلتستان کی عوامی امنگوں کو اپنے منشور میں شامل کیا ہے اسی طرح اقتدار میں آکر گلگت بلتستان کے لئے انقلابی عملی اقدامات کرے گی۔بلاول بھٹو نے مزید کہا کہ گلگت بلتستان کے عوام نے جو محبت دی ہے وہ کبھی نہیں بھول پاوں گا۔پیپلز پارٹی کا گلگت بلتستان سے تین نسلوں کا اٹوٹ رشتہ ہے جو آنے والے وقتوں میں مزید مضبوط ہوگا

تازہ ترین خبریں