06:24 pm
تنظیم سازی کیلئے وزیراعلیٰ نے جوذمہ داری دی نبھارہاہوں،شفیق الدین

تنظیم سازی کیلئے وزیراعلیٰ نے جوذمہ داری دی نبھارہاہوں،شفیق الدین

06:24 pm

گلگت (خبر نگار خصوصی) پاکستان مسلم لیگ ن سنٹرل سیکریٹریٹ کشروٹ گلگت میں پارٹی کے صوبائی سینئر نائب صدر شفیق الدین کی صدارت میں ایک اہم اجلاس ہوا جس میں گلگت کے حلقہ نمبر ایک سے تعلق رکھنے والے پارٹی اکابرین کی کثیر تعداد نے شرکت کیں۔ اجلاس میں گلگت کے حلقہ نمبر ایک میں نئی تنظیم سازی کے حوالے سے گفت شنید ہوئی اور پارٹی امور سے متعلق اہم فیصلے بھی کئے گئے اس موقع پر خطاب کرتے ہوئے شفیق الدین نے
کہاکہ وزیر اعلیٰ گلگت بلتستان حافظ حفیظ الرحمن نے نئی تنظیم سازی کے حوالے سے انہیں جو ذمہ داری عائد کی ہے اسے نبھارہے ہیں۔ اس مقصد کے لئے گلگت کے حلقہ نمبر ایک کی آبادیوں ،بارگو، شروٹ، شیکوٹ ،ہنزل ،ہرپون ،کارگاہ ،بسین کے دورے کرکے تنظیم سازی سے متعلق بات کی ہے اور ہر کام پارٹی ورکرز کو اعتماد میں لیکر کیاجارہا ہے تنظیم سازی کے عمل میں مسلم لیگ ن کلچرل ونگ کے صدر شراف الدین فریاد اور ان کی بیگم سمیت مسلم لیگ ن علماء مشائخ ونگ کے صدر مولانا نادر خان کی بھی سپورٹ حاصل ہے جس کے لئے ہم ان کا شکریہ ادا کرتے ہیں ۔شفیق الدین نے مزید کہاکہ اس تنظیم سازی کے بعد گلگت کے حلقہ ایک سے پارٹی کے ایک سو نظریاتی کارکنوں کو پارٹی کی مرکزی شوریٰ کونسل کے لئے منتخب کیاجائے گا۔

تازہ ترین خبریں