05:55 pm
ہنزہ میں سنگین بجلی بحران کانوٹس لیاجائے،شمیم اختربیگ کی وزیراعلیٰ سے اپیل

ہنزہ میں سنگین بجلی بحران کانوٹس لیاجائے،شمیم اختربیگ کی وزیراعلیٰ سے اپیل

05:55 pm

گلگت(اوصاف نیوز)پاکستان مسلم لیگ ن خواتین ونگ کی سینئر رہنما شمیم اختر بیگ نے وزیر اعلیٰ گلگت بلتستان سے دست بدستہ اپیل کی ہے کہ وہ ہنزہ میں بجلی کے سنگین بحران اور اعصاب شکن لوڈ شیڈنگ کا سختی سے نوٹس لیں اور عوام ہنزہ کو لوڈ شیڈنگ کے اذیت سے نجات دلانے کے لئے فوری اقدامات اور طویل المدتی منصوبوں کی فوری منظوری کے احکامات جاری کریں اوصاف سے گفتگو کرتے ہوئے
انہوں نے کہا کہ ہنزہ میں اس وقت 22گھنٹوں کی لوڈ شیڈنگ ہے جس کی وجہ سے نظام زندگی مفلوج ہو کر رہ گئی ہے اور گھریلومعاملات درہم برہم ہو کر رہ گئے ہیں۔ہنزہ میں سیاحوں کی آمد زور و شور کے ساتھ جاری ہے لیکن بجلی کی لڈ شیڈنگ کی وجہ سے ایک طرف مقامی لوگوں کو شدید مشکلات کا سامنا کرنا پڑ رہا ہے تو دوسری جانب سیاحوں کے سامنے صوبائی حکومت کی سبکی ہو رہی ہے ۔بجلی کی لوڈ شیڈنگ میں فوری کمی کے لئے ڈیزل جنریٹرز کو فیول کی فراہمی اور اس کے مستقل حل کے لئے عطاء آباد 4میگاواٹ کت منصوبے کے فزیبلٹی کی فوری منظوری ناگزیر ہے ہنزہ میں عوامی نمائندگی بھی نہیں ہونے کی وجہ سے یہ ذمہ داری وزیر اعلیٰ گلگت بلتستان پر عائد ہو گئی ہے کہ وہ ہنزہ میں بجلی کی لوڈ شیڈنگ کے خاتمے اور دیگر مسائل کے حل کے لئے اپنا کردار ادا کریں۔

تازہ ترین خبریں