05:45 pm
تاجروں نے اشیاء کی قیمتوں میں ازخودکمی کرکے دل جیت لئے،اے سی

تاجروں نے اشیاء کی قیمتوں میں ازخودکمی کرکے دل جیت لئے،اے سی

05:45 pm

گلگت ( اوصاف نیوز ) اسسٹنٹ کمشنر /چیئرمین پرائس کنٹرول کمیٹی کیپٹن (ر) محمد شاہ رخ چیمہ نے کہا کہ رمضان المبارک میں اشیاء خوردہ نوش ، سبزیوں اور پھلوں کی قیمتوں میں10سے لیکر30فیصد تک کمی کرکے مقامی تاجروں نے عوام کا دل جیت لیاضلعی انتظامیہ مقامی تاجروں اور سبزی فروشوں کے اس جزبے کو شاندار الفاظ میں خراج تحسین پیش کرتی ہے ان خیالات کا اظہار انہوں نے منگل کے روز
پرائس کنٹرول کمیٹی کے ریویو اجلاس کے موقع پر کیا اجلاس میں تحصیلدار ہیڈ کوآرٹر حسین شاہ ،CCOبلدیہ عظمیٰ گلگت عابد حسین میر ،مرکزی انجمن تاجران کے سیکریٹری اطلاعات حاجی غلام حسین ،سبزی منڈی ایسوسی ایشن کے جنرل سیکریٹری عزیزاللہ خان ،میڈیا کوآرڈینیٹر ،انچارچ رمضان بازار منظور حسین ،سمیت دیگر شرکاء اجلاس شریک تھے اجلاس سے خطاب کرتے ہوئے چیئرمین پرائس کنٹرول کمیٹی کیپٹن (ر) محمد شاہ رخ چیمہ نے کہا کہ دیگر صوبوں میں مہنگائی کے باوجود گلگت رمضان سستا بازار کے تاجروں نے قیمتوںکم کیں جسکی جتنی تعریف کی جائے کم ہے جسکی مثال ٹماٹر ،پیاز ،بھنڈی ،شلجم ،شملہ مرچ ،بیگن ،خرپوزہ ،چاول،دالوں ،کولڈ ڈرنکس،مگھن ،پیور آئل ،گھی ،گرما،سمیت دیگر اشیاء شامل ہے جنکے قیمتوں میں10سے لیکر30روپے تک کمی ہے انہوںنے کہا کہ عوام کے تعاون سے شہر میں گوشت کی قلت پر قابو پانے میں بھی بڑی مدد ملی ہے ۔اجلاس میں اسسٹنٹ سیکریٹری پرائس کنٹرول کمیٹی سیف الملوک نے 15روزہ سروے رپورٹ پیش کی ۔چیئرمین پرائس کنٹرول کمیٹی گلگت کیپٹن (ر) محمد شاہ رخ چیمہ نے تسلی بخش قرار دیا اور مقامی تاجروں کی جانب سے سبزیوں اور پھلوںکے نرخوں میں 5سے20روپے کمی کااعلان پر خوشی کا اظہار کرتے ہوئے اسے نیک شگون قراردیا۔ جبکہ سبزی اینڈ فروٹس ایسوسی ایشن کی منظوری سے سبزیوں کے نئے نرخنامہ بھی جاری کرنے کی منظوری دے دی جو کہ آج سے نافذالعمل ہوگا پرائس کنٹرول کمیٹی اجلاس میں مرکزی انجمن تاجران کے سیکریٹری اطلاعات حاجی غلا م حسین نے اسسٹنٹ کمشنر گلگت کا شکریہ ادا کرتے ہوئے تاجروں کی جانب سے بھرپور تعاون کا اعادہ کیا ۔ ترجمان کے مطابق رمضان بازار میں بڑی تعداد میں خریداری انتظامیہ،مقامی تاجروں اور رمضان سستا بازار پر اعتماد کا مظہر ہے ملک میں مہنگائی کے باجود گلگت کے دکانداروں نے رمضان سستا بازار کیلئے نرخوں میں کمی کرکے ایک حوصلہ افزا کام کیا ہے جسکی جتنی تعریف کی جائے کم ہے ،مرکزی انجمن تاجران گلگت بلتستان کے تعاون سے رمضان المبارک میں روزہ داروں کو ریلیف دینے میں کامیاب ہوئے جس کا تمام تر کریڈٹ اسسٹنٹ کمشنر ، تاجروں اور سبزی منڈی مالکان کو جاتا ہے جسکی مثال رمضان بازار سے قبل ٹماٹر کی قیمت120جبکہ رمضان بازار میں آج 60روپے ریٹ مختص ہے اسکے علاوہ پیاز مارکیٹ میں 80ر مضان بازار میں 65سے لیکر75ہے اور بہت سی اشیاء ہیں جنکے قیمتوں میں زبردست کمی کردی گئیں ہیں ۔اسکے علاوہ 04اقسام کے سبزیوں اور2قسم کے فروٹس کو نئے ریٹ لسٹ میں شامل کردیا گیا ہے جس میں چیری شامل ہے۔

تازہ ترین خبریں