05:40 pm
گلگت میں کمرتوڑمہنگائی،عیدکی خریداری شروع نہ ہوسکی،تاجربھی پریشان

گلگت میں کمرتوڑمہنگائی،عیدکی خریداری شروع نہ ہوسکی،تاجربھی پریشان

05:40 pm

گلگت (رپورٹ ،وقائع نگار خصوصی) پیٹرولیم مصنوعات کی قیمتوں میں اضافے کے باعث کمر توڑ مہنگائی نے مارکیٹوں اور تجارتی مراکز میں عید کی خریداری شروع نہ ہوسکی تاجروں کے ساتھ عوام بھی سخت پریشان۔ اوصاف سروے رپورٹ کے مطابق پیٹرولیم مصنوعات کی قیمتوں میں اضافے کے باعث کمر توڑ مہنگائی نے غریب عوام کی کمر بھی توڑ کے رکھ دی ہے آئے روز بڑھتی ہوئی مہنگائی کے باعث گلگت کے مارکیٹوں اور تجارتی مراکز میں عید کی خرایداری شروع نہیں ہوسکی ہے
جبکہ عیدکی خریداری کے لئے آنے والے شہری بھی سخت پریشان ہیں۔ رپورٹ کے مطابق رمضان کا دوسرا عشرہ جاری ہے لیکن گلگت شہر و مضافات کی تمام بڑی مارکیٹیں اور تجارتی مراکز ویران پڑے ہیں جس کی وجہ سے تاجر برادری بھی پریشان ہے۔ دوکانداروں کا کہنا ہے کہ ابھی ہمارا گرمیوں کا سٹاک صیح طرح سے فروخت نہیں ہوا اور نہ ہی عید کا سٹاک سیل ہورہا ہے جس کے باعث کاروبار مندی کا شکار ہے جبکہ دوسری جانب شہریوں کا کہنا ہے کہ دوکانداروں نے پیٹرولیم مصنوعات کی قیمتوں میں اضافے کا بہانہ بناکر 30 فیصد تک کپڑوں ،جوتوں میں اضافہ کردیا ہے رمضان عید ہے غریب لوگ افطاری سامان خرید یں یا بچوں کو کپڑے ،جوتے و دیگر ضروریات پوری کریں۔ پچھلے سال کی نسبت اس سال مہنگائی میں دوگنا اضافہ ہوا ہے سمجھ نہیں آرہی ہے عید شاپنگ میں کیا خریدیں تو کیا نہ خریدیں

تازہ ترین خبریں