05:44 pm
خطرناک اشتہاریوں کی عدم گرفتاری،آئی جی تینوں ونگ ذمہ داران پربرہم

خطرناک اشتہاریوں کی عدم گرفتاری،آئی جی تینوں ونگ ذمہ داران پربرہم

05:44 pm

گلگت (وقائع نگار خصوصی) خطرناک مفرور اشتہاریوں کی عدم گرفتاری ،آئی جی پی گلگت بلتستان تینوں ونگ ذمہ داران پر برہم ہوگئے کارکردگی بہتر بناکر اشتہاریوں کی گرفتاریاں یقینی بناکر رپورٹ پیش کرنے کی ہدایت کردی۔ باخبر ذرائع سے معلوم ہوا ہے کہ اشتہاری مفرور خطرناک ملزمان کی عدم گرفتاری پر انسپکٹر جنرل آف پولیس گلگت بلتستان ثناء اللہ عباسی نے سی ٹی ڈی آپریشنل سربراہ ،ایس پیز سمیت دیگر ذمہ داران کو اپنے آفس میں طلب کرکے کارکردگی بہتر بنانے کی ہدایات جاری کردی ہیں
۔ ذرائع کے مطابق آئی جی گلگت بلتستان کے سخت ترین احکامات کے پیش نظر عید الفطر کے فوراً بعد مفرور مجرموں کی گرفتاری کے لئے بڑے پیمانے پر آپریشن شروع کیاجائے گا۔ ذرائع کے مطابق آئی جی نے سختی سے ہدایات دی ہے کہ اشتہاری مجرموں کی گرفتاری کے حوالے سے نتیجہ خیز کاروائی عمل میں لائی جائے اور زیادہ سے زیادہ مجرموں کو پابند سلاسل کیاجائے تاکہ سنگین جرائم کی شرح میں کمی لایا جائے گا۔

تازہ ترین خبریں