06:06 pm
آسمانی بجلی گرنے سے دھماکے،الیکٹرانکس اشیاء جل گئیں،لاکھوں کانقصان

آسمانی بجلی گرنے سے دھماکے،الیکٹرانکس اشیاء جل گئیں،لاکھوں کانقصان

06:06 pm

گلگت (وقائع نگار خصوصی) گلگت جوٹیال میں آسمانی بجلی گرنے سے زور دار دھماکے، آسمانی بجلی گرنے کے بعد لاکھوں مالیت کے ٹی ویز ،لیپ ٹاپ ،قیمتی موبائلز سمیت گھروں کے پنکھے بھی جل کر خاکستر ہوگئے جبکہ وائی فائی سگنل بھی جام ہوگئے ،آسمانی بجلی گرنے اورزوردار دھماکے کے بعد شہری گھروں سے باہر نکلے اور کلمہ طیبہ کا ورد کرتے رہے۔ تفصیلات کے مطابق گزشتہ روز گلگت شہر و مضافات میں تیز آندھی کے
فوراً بعد گرچ چمک کے ساتھ بارش بھی شروع ہوگئی اپر جوٹیال چیڑچوک میں اچانک آسمانی بجلی کرنے سے ذوردار دھماکہ ہوا ۔ آسمانی بجلی گرنے کے فوراً بعد گھروں میں لگی درجنوں ٹی ویز ،لیپ ٹاپس قیمتی موبائلز ،گھروں کے پنکھے بھی جل کر خاکستر ہوگئی جبکہ دیگر گھروں کے وائی فائی سسٹم اور ٹیلی فون بھی جام ہوگئے جس سے شہریوں کو لاکھوں کے مد میں نقصان کا سامنا کرنا پڑا۔

تازہ ترین خبریں