06:08 pm
جماعت اسلامی کی اے پی سی منافقت پرمبنی تھی،کوئی حیثیت نہیں،عبدالواحد

جماعت اسلامی کی اے پی سی منافقت پرمبنی تھی،کوئی حیثیت نہیں،عبدالواحد

06:08 pm

گلگت ( بیورو رپورٹ ) جماعت اسلامی کی آل پارٹیز کانفرنس ناکام اور منافقت پر مبنی تھی جس کی عوام میں کوئی وقعت نہیں ہے ، جن جماعتوں کو بلایا گیا تھا وہ سارے وفاق پرست جماعتیں ہیں جن کے قائد ین کو ڈکٹیشن اور احکامات ملتے ہیں جبکہ قوم پرست تنظیموں میں سے کوئی بھی رجسٹرڈ نہیں ہے ، گلگت بلتستان قومی موئومنٹ واحد رجسٹرڈ مقامی جماعت ہے جس کے منشور میں ہی پانچویں صوبے کا ذکر ہے
۔ ان خیالات کا اظہار گلگت بلتستان قومی موئومنٹ کے صدر عبدالواحد نے ایک شمولیتی تقریب سے خطاب کرتے ہوئے کیا۔ شمولیتی تقریب میں معروف سماجی شخصیت شوکت علی نے دیگر کارکنوں کے ہمراہ گلگت بلتستان قومی موئومنٹ میں شمولیت کا اعلان کر دیا ۔ اس موقع پر گلگت بلتستان قومی موئومنٹ کے صدر عبدالواحد نے کہا کہ آل پارٹیز کانفرنس سے قبل تمام جماعتوں کو اعتماد میں لینے کی ضرورت تھی اور ایسا نہیں کیا گیا جو کہ افسوسناک اور منافقانہ طرز عمل ہے ۔ گلگت بلتستان قومی موئومنٹ واحد جماعت ہے جس کے منشور میں آئینی صوبے کا ذکر ہے جو کہ اپنے جھنڈے اور انتخابی نشان کے ساتھ الیکشن لڑ رہی ہے اور اپنے مطالبات کے حصول کیلئے جدوجہد کررہی ہے ۔ا س موقع پر شمولیت کرنے والے سماجی رہنما شوکت علی خان نے کہا کہ عبدالواحد کی قوم کیلئے خدمات ناقابل فراموش ہیں گلگت بلتستان ایسے بہادر اور نذر قائدین کی قیادت میں ہی اپنے مسائل حل کر سکتی ہے آنے والا دور قوم پرستوں کا ہے وفاق پرست قصہ پارینہ بن جائینگے ۔

تازہ ترین خبریں