06:11 pm
زرداری کی گرفتاری بجٹ سے توجہ ہٹانے کیلئے کی گئی،سرخروہونگے،کلثوم مہدی

زرداری کی گرفتاری بجٹ سے توجہ ہٹانے کیلئے کی گئی،سرخروہونگے،کلثوم مہدی

06:11 pm

گلگت (اوصاف نیوز ) پاکستان پیپلز پارٹی خواتین ونگ کی صوبائی جنرل سیکریٹری کلثوم مہدی نے کہا ہے کہ نیب اس وقت عمران خان کی زاتی ملازم ہونے کا ثبوت دے رہی ہے پی پی پی کے لئے قید وبند پابند سلاسل کوئی نئی بات نہیں ہے بلکہ پی پی پی نے ہمیشہ قربانی دے کر ملک میں جمہوریت کو پروان چڑھایا ہے اور آج جمہوریت کا تسلسل یا جمہوریت ملک میں چل رہی ہے تو وہ پی پی پی کے قائدین کی قربانیوں کے بدولت ہے۔
انہوں نے میڈیا کے نمائندوں سے گفتگو کرتے ہوئے کہا کہ شہید زوالفقار علی بھٹو کو عدالتی شہید لیا گیا بینظیر بھٹو کو پابند سلاسل کیا گیا ملک بدر کیا گیا لیکن پی پی پی نے ہمیشہ ملک سے جمہوری نظام کو مظبوط کیا اور آمرانہ سوچ کے لوگوں سے مقابلہ کیا ہے۔ انہوں نے کہا کک نیب عمران خان کے اشاروں پر جو حرکت کررہی ہے اس سے عوام واقف ہیں اور اس قسم کے اقدامات سے پی پی پی کے جیالوں کو حکومت حراساں نہیں کرسکتی ہے کیونکہ پی پی پی کے جیالوں کے خون کی آبیاری سے ہی ملک میں آج جمہوری نظام مظبوط ہے اور ہم جمہوریت پر یقین رکھتے ہیں اور اپنے قائدین پر فخر کرتے ہیں جو جمہوریت کے خلاف لوگوں سے مقابلہ کررہے ہیں اور عوام کو امپاور کررہے ہیں انہوں نے کہا کہ پی پی پی کے لیڈرز نے ہمیشہ سے قید و بند کی صعوبتیں برداشت کی ہیں عوام اور جمہوریت کے لیے اپنی جانوں کا نذرانہ پیش کیا آمریت کے پیرو کار چاہے نیب کا استعمال کرے یا کوئی اور ہتھکنڈے استعمال کریں کوئی بھی کسی بھی طریقے سے ہمیں ڈرا نہیں سکتا اور نیب چونکہ وفاقی ادارہ ہے جس کو سیاسی انتقام کے لیے استعمال نہ کیا جائیے انصاف سب کیلئے برابر ہونا چاہئے اور بلا تفریق کام کرنا نیب کی ذمہ داری ہے۔ انہوں نے کہا کہ تبدیلی سرکار نے ملک میں آتے ہی مہنگائی اور عوام کو بھوک و افلاس کے علاوہ کچھ نہیں دیا ہے اور عوام کا مہنگائی کے ذریعے خون چوسا جارہا ہے عام آدمی دو وقت کی روٹی کے لئے ترس رہا ہے اور تبدیلی سرکار صرف انتقامی کاروائی اور عوام کو دھوکہ دینے کے علاوہ کچھ نہیں کررہی ہے۔ انہوں نے کہا کہ آصف علی زرداری کی گرفتاری بجٹ سے عوام کا دھیان ہٹانے کا ایک نیا ڈرامہ ہے اور یہ ڈرامہ فلاپ ہوگا اور پاکستان پیپلز پارٹی سرخ رو ہوگی اور پاکستان پیپلز پارٹی کے جیالے ہمیشہ سے اپنے قائدین کے ساتھ ہیں اور پی پی پی کے چیئرمین بلاول بھٹو خو حکم دینگے اس پر تمام کارکن لبیک کہینگے اور ملک میں جمہوری نظام کو مزید مظبوط بنانے کے لئے کام کرینگے۔

تازہ ترین خبریں