05:04 pm
(وزیراعلیٰ اورگبالاکے میئرکی ملاقات)گلگت اورگبالاکوسسٹرسٹی قراردینے کیلئے اقدامات پر اتفاق

(وزیراعلیٰ اورگبالاکے میئرکی ملاقات)گلگت اورگبالاکوسسٹرسٹی قراردینے کیلئے اقدامات پر اتفاق

05:04 pm

گبالا (اوصاف نیوز)وزیر اعلی گلگت بلتستان حافظ حفیظ الرحمن گبالا کے میئر ابیل آگسفو کی دعوت پر اور روزہ درہ پر گبالا پہنچے تو گبالا شہر کے میئر نے وزیر اعلی اور ان کے وفد کا استقبال کیا وزیر اعلی کے ہمراہ وائس چیر مین گلگت بلتستان انوسمنٹ بورڑ راجہ نظیم الا مین اور ڈپٹی سکیر ٹری یاسر حسین بھی تھے گبالا شہر کے دورے کے موقعہ پر ابیل آگسفو نے وزیر اعلی گلگت بلتستان حافظ حفیظ الرحمن کو گبالا شہر کے ثقافتی،تاریخی
، سیاحتی مقامات اور چیئر لفٹ کا دورہ کرایا اور بریفنگ دی،گبالاشہر گلگت شہر سے ملتاجلتا شہر ہے دونوں شہروں کی زمینی ساخت ایک جیسی اور سیاحتی و ثقافتی وسائل ملتے جلتے ہیں وزیر اعلی گلگت بلتستان کا گبالا کے دورے کا مقصد یہ تھا کہ گبالا شہر اور گلگت کو سسٹرز شہر قرار دے کر دونوں شہروں کے عوام کے درمیان رابطے ممکن بنائے جا سکیں، ثقافت ،سیاحت اور دیگر شعبوں میں ایک دوسرے سے تعاون کیا جا سکے تاکہ دونوں شہروں کے عوام ایک دوسرے کے وسائل سے استفادہ حاصل کر سکیں ،اس سلسلے میں اجلاس میں وزیر اعلی گلگت بلتستان اور میئر آف گبالا کے درمیان طے پایا کہ گلگت اور گبالا کو سسٹر سٹی قرار دینے کے لئے قانونی مراحل پر کام کا آغاز کیا جائے گا اس سلسلے میں پاکستان اور آزر بائی جان کے سفارت خانوں کی مدد سے قانونی مراحل کو طے کیا جائے گا ،وزیر اعلی گلگت بلتستان نے اس موقع پر گلگت شہر کے حوالے سے اجلاس کو تفصیل بتاتے ہوئے میئر گبالا کو دورے کی دعوت دیتے ہوئے کہا کہ وہ گلگت کا دورہ کریں تاکہ وہاں کے سیاحتی ،ثقافتی اور تاریخی مقامات کو دیکھ سکیں اور دونوں شہروں کے عوام کے رابطے بڑھیں میئر گبالا نے گلگت کے دورے کی دعوت کو قبول کرتے ہوئے کہا کہ میں عنقریب گلگت آوں گا اور مجھے خوشی ہوگی کہ گلگت اور گبالا سسٹر شہر قرار پائیںاس اقدام سے نہ صرف دونوں شہر ایک دوسرے کے سیاحتی ،ثقافتی اور تاریخی اثاثوں سے مستفید ہوں گے بلکہ دونوں شہروں کے عوام کے رابطے بھی مظبوط ہوں گے اور اسی سے معاشی سرگرمیوں کا بھی آغاز ہوگا۔

تازہ ترین خبریں