بھی انتہائی لازمی حصہ ہوتا ہے.یونین کونسل شگری خورد، سکردو میں معروف عالم دین حجۃ الاسلام والمسلمین علامہ شیخ محمد علی مظفری کی سربراہی میں صالح ویلفیئر آرگنائزیشن، خدمتِ خلق سے سرشار، رضاکارانہ طور پر عرصہ دراز سے سماجی تعمیر و ترقی میں انتہائی نمایاں خدمات انجام دے رہی ہے۔اس سماجی تنظیم نے معاشرتی تعمیر و ترقی میں خواتین کو بھی اپنا حصہ ڈالنے کا موقع دیتے ہوئے 'صالح وومن ویلفیئر آرگنائزیشن' کا قیام عمل میں لایا، جس کی باقاعدہ تنظیم سازی اور کابینہ سازی کی گئی، جس کی صدارت کی ذمہ داری، سماجی خاتون خواہر بلقیس کو سونپ دی گئی.'صالح وومن ویلفیئر آرگنائزیشن'، تعمیر معاشرہ کے لئے اپنا کردار ادا کر رہی ہے. اس سماجی تنظیم کے زیر اہتمام ہفتہ وار علمی و تربیتی پروگرامز منعقد کی جاتی ہیں اور خواتین کی فلاح و بہبود کے لئے مختلف ترقیاتی منصوبے شروع کرنے پر غور و فکر کیا جاتا ہے. واضح رہے کہ اسی سماجی تنظیم کی قیادت میں دستکاری سنٹر کا قیام عمل میں آ چکا ہے۔ مورخہ 22 فروری 2021، بروز سوموار، اس سماجی تنظیم کی سربراہی میں علاقائی خواتین نے ایک اور اہم اور نمایاں پیشرفت کا عملی مظاہرہ کیا ہے. اپنے ہاتھوں میں مختلف اوزار لے کر کھرپتو، چورسپہ، بلغار، فاپہ وغیرہ پورے علاقے کے راستوں، چوراہوں، گلی کوچوں، نالوں، پرنالوں وغیرہ وغیرہ کی مکمّل صفائی ستھرائی کر ان باشعور خواتین نے اپنے اس شاندار کارکردگی کے ذریعے باقی تمام خواتین کو یہ پیغام دیا ہے کہ معاشرتی تعمیر و ترقی اور سماجی فلاح و بہبود میں مردوں کے شانہ بشانہ خواتین بھی اپنا مثبت کردار ادا کرے تو وہ دن دور نہیں کہ ہمارا معاشرہ بھی پوری دنیا میں ایک مثالی نمونہ بن جائے.ان عظیم خواتین کی آج کی کارکردگی دیگر علاقوں کی خواتین کے لئے بہترین نمونہ عمل ہے۔