​​​​​​​میں تقسیم کرکے گلگت بلتستان کے معروف مقامات، ہوپر گلیشیئر، ششپر گلیشیئر اور عطاء آباد جھیل بھیجا گیا جہاں ان علاقوں پر ماحول کے اثرات کا مشاہدہ کیا گیا اور خصوصی رپورٹس بھی تیار کرلی گئی۔ تین روزہ ورکشاپ کے اختتامی تقریب میں صحافیوں نے فیلڈ وزٹ پر اپنی پریزنٹیشن بھی پیش کی ۔ اس موقع پر ماسٹرٹرینرز صحافی و معروف اینکر پرسن علینہ شگری، ڈبلیو ڈبلیو ایف پاکستان کے صوبائی کوآرڈینیٹر رحمت علی،صدر جی بی یونین آف جرنلسٹس خالد حسین، ابوبکر آئی سی موڈ، پروگرام منیجر احمر سہیل بسرا ، ڈبلیو ڈبلیو ایف کے نثار احمد و دیگر نے اپنی سفارشات پیش کرتے ہوئے گلگت بلتستان کے صحافیوں کے لئے استعداد کار میں اضافہ کے لئے اقدامات کی ستائش کی ۔ انہوں نے کہا کہ گلگت بلتستان کے صحافیوں میں ٹیلنٹ کی کمی نہیں ہے اور ماحولیات کے عنوان پر اچھی گرفت رکھتے ہیں ۔ گلگت بلتستان میں ماحولیات کے حوالے سے اٹھائے گئے اقدامات میں یقینا صحافیوں کا کردار ناقابل فراموش ہیں جو محدود وسائل میں رہتے ہوئے ماحولیاتی تبدیلی جیسے موضوع کو بحث کا حصہ بناکر بیٹھے ہیں۔انہوں نے کہا کہ ماحولیاتی تبدیلی ہمارے لئے اس وقت سب سے بڑا چیلنج بن کر سامنے آیا ہے جسے وقت پر حل نہیں کریںگے تو آنے والے سالوں میں ہماری مقامی کمیونٹی کے مشکلات بہت بڑھ جائیںگے۔ موجودہ تعمیر و ترقی کے دور میں ماحول کو تحفظ کرنا مشکل ضرور ہے مگر ناممکن نہیں ہے ہم اپنے روایتی فن تعمیر، طرز تعمیر، قدیم فصل اور زرعی سرگرمیوں کی طرف رخ کرسکتے ہیں جو ماحول دوست بھی اور پائیدار بھی ہیں۔ اس موقع پر ڈبلیو ڈبلیو ایف پاکستان کے صوبائی کوآرڈینیٹر رحمت علی نے تمام صحافیوں اور شرکاء کا خصوصی شکریہ بھی ادا کیا۔