12:47 pm
لیموں پر لوگوں کے نام لکھ کر جمانے والی خاتون گرفتار، جادو کرنے کا سب سے عجیب طریقہ

لیموں پر لوگوں کے نام لکھ کر جمانے والی خاتون گرفتار، جادو کرنے کا سب سے عجیب طریقہ

12:47 pm

یڈنبرا(مانیٹرنگ ڈیسک)برطانیہ میں خواتین کے ختنے کرنے والی پہلی خاتون کو مجرم قرار دے دیا گیا ہے۔ پولیس نے اسے گرفتار کیا اور تحقیقات کے دوران اس کے گھر پر چھاپہ مارا تو ریفریجریٹر سے درجنوں لیموں برآمد ہو گئے جنہیں کاٹ کر ان میں مختلف لوگوں کے نام لکھے گئے تھے۔ جب پولیس نے اس معاملے کی تفتیش کی تو ایک اور ہوشربا انکشاف منظرعام پر آ گیا۔ میل آن لائن کے مطابق یہ خاتون یوگنڈا نژاد برطانوی شہری تھی جس نے چند دیگر سیاہ فام خواتین کے ساتھ مل کر اپنی 3سالہ بیٹی کے ختنے کیے جو برطانوی قانون کی رو سے جرم قرار

 

دیئے جا چکے ہیں۔ بچی کا گھر پر ہی کیا گیا آپریشن غلط ہو گیا اور اس کے جسم سے بہت زیادہ خون بہنا شروع ہو گیا جس پر اس کی ماں اسے ہسپتال لیجانے پر مجبور ہو گئی تاہم اس نے بچی کو سمجھا دیا کہ وہ ڈاکٹروں کو بتائے کہ اس نے بسکٹ اٹھانے کے لیے الماری پر چڑھنے کی کوشش کی اور گر جانے کی صورت میں اسے یہ زخم آیا۔ جب ڈاکٹروں نے بچی کا علاج شروع کیا تو انہوں نے دیکھا کہ بچی کو جسم کے کسی اور حصے پر خراش تک نہیں آئی، اس پر انہیں شبہ ہوا اور انہوں نے پولیس کو اطلاع کر دی۔ پولیس نے جب خاتون کو حراست میں لے کر تفتیش کی تو اس نے سچ اگل دیا۔ پولیس نے خاتون کو اولڈ بیلے کورٹ میں پیش کر دیا، جہاں سے گزشتہ دنوں فیصلہ سناتے ہوئے خاتون کو بچی کے ختنے کرنے کی مجرم قرار دے دیا گیا ہے۔ کیس کی سماعت کے دوران، جب خاتون ضمانت پر رہا تھی، پولیس نے مزید تحقیقات کے لیے اس کے گھر پر چھاپہ مارا تو وہاں فریج سے درجنوں لیموں اور گائے کی دو زبانیں برآمد ہوئیں۔ لیموؤں کو کاٹ کر ان میں مختلف لوگوں کے نام لکھے گئے تھے۔ یہ نام اس کے مقدمے سے جڑے پولیس آفیسرز ، وکلاءاور ججوں کے تھے۔گائے کی دو زبانیں بھی فریج میں موجود تھیں جن میں کیل ٹھونکے گئے تھے اور انہیں بھی لیموؤں کے ساتھ فریز کیا گیا تھا۔ جب پولیس نے اس حوالے سے تفتیش کی تو معلوم ہوا کہ خاتون جادو بھی کرتی ہے اور لیموؤں اور گائے کی زبانوں پر اس نے یہ ٹونہ کر رکھا تھا جس کا مقصد اس کے کیس سے جڑے تمام لوگوں کی زبانیں بند کرنا اور انہیں اپنے حق میں کرنا تھا۔ پولیس نے خاتون کے شوہر کو، جو افریقی ملک گھانا کا شہری ہے، بھی شامل تفتیش کیا تاہم اس کے خلاف کوئی الزام ثابت نہ ہو سکا۔ رپورٹ کے مطابق اولڈ بیلے کورٹ کی جج مسز جسٹس ویپل نے آج کی سماعت میں خاتون کو مجرم قرار دیتے ہوئے اسے متنبہ کیا کہ اسے طویل قید کی سزا ہو گی۔ خاتون کو 8مارچ کو سزا سنائی جائے گی۔

 

تازہ ترین خبریں