10:12 am
حمزہ شہباز کے گرفتاری نہ دینے پر شیخ رشید نے بھی خاموشی توڑ دی، دل کی بات کہہ دی

حمزہ شہباز کے گرفتاری نہ دینے پر شیخ رشید نے بھی خاموشی توڑ دی، دل کی بات کہہ دی

10:12 am

اسلام آباد(نیو زڈیسک)حمزہ شہباز کی گرفتاری کیلئے نیب کے اہلکار ان کے گھر باہر موجود ہیں اور عدالت عالیہ سے ضمانت قبل از گرفتاری کیلئے کاوشیں جاری ہیں لیکن آخری اطلاعات تک کوئی حتمی کامیابی نیب یا حمزہ شہباز کو نہیں مل سکی تاہم وزیرریلوے شیخ رشید احمد نے خاموشی توڑ دی ۔ نجی ٹی وی چینل کے مطابق پریس کانفرنس سے خطاب کرتے ہوئے شیخ رشید کا کہنا تھا کہ سیاستدان کے پاس حرام کی کمائی آجاتی ہیں تو وہ بزدل ہوجاتے ہیں، حمزہ شہباز کے گھر کے باہر صرف 20 بندے بیٹھے ہیں، لاہوریے ان کے حق میں باہر نہیں نکلے۔انہوں نے کہا کہ ریل کی ڈی ریلمنٹ سے ساری قوم کو تکلیف اٹھانی پڑی
اس پر معافی مانگتا ہوں، کام کا جذبہ کم ہوتا جا رہا ہے باتیں زیادہ ہوتی ہیں، پہلی کمیٹی معطل کر کے ہم نے دوسری کمیٹی بنا دی ہے۔شیخ رشید نے کہا 20 ٹرینیں چلائیں گے؂، پی ایس او کا جلد کنٹریکٹ ملنے والا ہے، 15 اپریل سے رحمان بابا کے ساتھ ایک اے سی کوچ لگا دیں گے، گرین اور جناح میں بچوں کا کرایہ 50 فیصد کر دیا گیا ہے، ایک ماہ تک بچوں کا کرایہ صرف 3 ہزار لیا جائے گا۔یاد رہے کہ چوبیس گھنٹوں کے دوران نیب کی ٹیم نے حمزہ شہباز کی گرفتاری کے لیے دوسری مرتبہ چھاپہ مار ا ہے اور کئی گھںٹوں سے رینجرز اور پولیس کی بھاری نفری سمیت نیب کی ٹیم ماڈل ٹائون کے باہر موجود ہے جبکہ حمزہ شہباز ہائیکورٹ سے ضمانت قبل از گرفتاری کیلئے کوشاں ہیں ، درخواست پر عدالت نے پیر کو سماعت مقرر کی ہے لیکن حمزہ شہبا ز کے وکلاء آج ہی سماعت کیلئے کوشاں ہیں اور ان کا موقف ہے کہ نیب کے ہاتھوں گرفتاری کی صورت میں ضمانت قبل از گرفتاری کا جواز نہیں رہے گا۔

تازہ ترین خبریں