مختلف کمیونٹیز اور گروپس ہر موسم میں اس کا صفایا کرتے ہیں تاکہ پودوں کی دوسری اقسام کی زندگی کو خطرہ نہ ہو۔ ہمالین بالسم برطانیہ میں 1839 میں لایا گیا تھا۔ اسے گرین ہاؤس اور باغچوں کے پودے کے طور پر درآمد کیا گیا تھا لیکن جلد ہی یہ جنگلی علاقوں تک پہنچ گیا۔ جب اس کے بیج تیار ہو جاتےہیں تو لوگ خود ہی بیجوں کے خول کو پکڑتے ہیں جس سے اس کے بیچ دور دور تک پھیل جاتے ہیں۔بچوں میں یہ پودا Mr. Noisy’s Exploding Plant کے نام سے مشہور ہے۔ اس پودے کے بیجوں کا خول انہیں چھونے سے بھی دھماکے سے پھٹ جاتا ہے، حتی کہ انکے قریب سے بھی کوئی گزرتے تو یہ خول پھٹ جاتا ہے۔ اس پودے پر بیجوں کے درجنوں خول اگتے ہیں۔ ہر خول میں اوسطاً 800 بیج ہوتے ہیں۔ یہ زیادہ سے زیادہ 30 ہزار بھی ہو سکتے ہیں۔ اس پودے کا اصل مسئلہ اس کا جارحانہ مزاج ہے۔یہ پودا اپنے اطراف میں موجود پر پودے کا ختم کرکے خود ہی راج کرتا ہے۔ دریاؤں کے کنارے یہ پودا زیادہ مسائل پیدا کرتا ہے۔ یہ قدرتی آفات جیسے دریاؤں کے کناروں کے کٹاؤ کا بھی باعث بنتا ہے، جس سے سیلاب آ سکتے ہیں اور دریاؤں کا رخ بدل سکتا ہے۔ ماحولیات سے بچاؤ کے گروپ ہر سال حساس علاقوں سے اس پودے کو جڑوں سے اکھاڑنے کی تقریبات منعقد کرتے ہں۔ اس کام میں بھی خاصی احتیاط کی ضرورت ہوتی ہے، کیونکہ پودے صاف کرتے ہوئے اگر خول پھٹ جائے تو تازہ بیج ہر طرف بکھر جاتےہیں۔ہمالین بالسم کے خطرے کا تقابل جاپان کے جاپانی نوٹ ویڈ(Japanese Knotweed) سے کیا جاتا ہے، جو ایک غیر مقامی پودا ہے اور اسے کنٹرول کرنا بھی ناممکن سمجھا جاتا ہے۔